09 October, 2021 06:21 PM IST | Mumbai | Gujarati Mid-day Online Correspondent
તસવીર સૌજન્ય પીઆર
ગૌતમ રોડે અને પંખુડી અવસ્થીની જોડી ફરી એકવાર એક સુંદર મ્યૂઝિક વીડિયો સાથે કમબૅક કરી રહી છે, જે આ વખતે એકદમ જુદા જ અવતારમાં દેખાશે. આ સુંદર જોડી સાથે લાવનાર અન્ય કોઈ નહીં પણ વ્હાઇટ પીકૉક ફિલ્મ્સ અને સૈંડસ્ટોન પ્રૉડક્શન છે, આગામી તેમના આગામી સિંગલનું નામ છાનોમાનો છે.
નવરાત્રીના અવસરે રિલીઝ થનાર પેપ્પી સૉન્ગ રાસ-ગરબાના પારંપરિક લોકગીતો દ્વારા પ્રેરિત છે, અને તેને જીવંત કરે છે, ગીતના નિર્માતાઓએ છાનોમાનોનું પહેલું પોસ્ટર તાજેતરમાં જ રિલીઝ કર્યું છે, આમાં તે ઝલક જોવા મળે છે, જેની આશા રાખવામાં આવે છે, એટલે પારંપરિક સ્ટોરીમાં આધુનિકતાનો ઓછ્છવ.
ગીતને સરોવરોના સુંદર શહેર ઉદયપુરમાં શૂટ કરવામાં આવ્યું છે, જે શાશ્વત પ્રેમનું એક સુંદર ચિત્રણ છે. મહત્વની વાત એ છે કે ગુજરાતીમાં ગૌતમ અને પંખુડીની આ પહેલી ફિલ્મ હશે અને હવે જોવાનું એ છે કે આ બન્ને પોતાના પાત્રો કેવી રીતે ભજવે છે. આ ગીતમાં ઓસમાન મીરે પોતાનો સ્વર આપ્યો છે, જેમણે સંજલ લીલા ભણસાલીની ફિલ્મ રામ લીલાના લોકપ્રિયા ગીત નગાડે સંગ ઢોલ ગાયું છે.
ગીત પર વાત કરતા ગૌતમ જણાવે છે કે, "આ ગીત મારા મનની ખૂબ જ નજીક છે, કારણકે હું મારી પત્ની સાથે અભિનય કરી રહ્યો છું. રાસ-ગરબાની થીમને કારણે છાનોમાનો શૂટ કરવામાં ખૂબ જ મજા આવી અને હું નિર્માતાઓનો આભારી છું કે તેમણે અમને સામાન્યમાંથી બહાર નીકળવા અને કંઇક રોમાંચક કરવાની તક આપી."
પંખુડી કહે છે કે, "ગૌતમ અને મેં ગીતના શૂટ દરમિયાન એક ચોક્કસ આનંદ માણ્યો છે. જ્યારે આ ગીતનું પ્રપોઝલ અમારી પાસે આવ્યું, ત્યારથી જ અમે એક પારંપરિક ગીતનું ધુન પર થનગનવા માટે ખૂબ જ ઉત્સાહિત હતા અને આ નવરાત્રી દરમિયાન રિલીઝ થશે તેનું આકર્ષણ હજી વધારે છે. આશા છે કે દર્શકોને પણ આ એટલું જ ગમે, જેટલું અમને ગમ્યું છે. હું આ માટે પ્રૉડ્યૂસર્સ, વ્હાઇટ પીકૉક ફિલ્મ્સ અને સૈંડસ્ટોન પ્રૉડક્શનનો આભાર માનું છું."
દિલીપ રાવલના લિરિક્સ અને ઓસ્માન મીરના જબરજસ્ત અવાજ સાથે, છાનોમાનોને મ્યૂઝિક અલાપ દેસાઇએ આપ્યું છે અને આને વ્હાઇટ પીકૉક ફિલ્મ્સ અને સૈંડસ્ટોન પ્રૉડક્શન દ્વારા પ્રૉડ્યૂસ કરવામાં આવ્યો છે.
રાસ-ગરબા સૉન્ગના પોસ્ટરે લોકોમાં આ ગીત પ્રત્યેનો ઉત્સાહ વધાર્યો છે અને હવે આ ગીત રિલીઝ થાય તેની રાહ જોવાઈ રહી છે. જણાવવાનું કે અત્યાર સુધી આ સિંગલની રિલીઝ ડેટનો ખુલાસો કરવામાં આવ્યો નથી.