10 December, 2019 01:37 PM IST | Mumbai Desk
વર્ષ 2019 પૂરું થવામાં હવે બસ થોડાંક જ દિવસો બાકી છે. દર વર્ષની જેમ આ વર્ષે પણ કેટલીય એવી ફિલ્મો આી જેણે બૉક્સ ઑફિસ પર જીત હાંસલ કરી. જો કે, દરવર્ષની જેમ આ વર્ષે કેટલીય ફિલ્મો એવી પણ આવી જે લોકોના મનમાં પોતાની જગ્યા બનાવવામાં નિષ્ફળ રહી. કેટલીક ફિલ્મોને તેના હિરોને કારણે યાદ કરવામાં આવી, તો કેટલીક તેની હીરોઇન્સને કારણે.
આ વર્ષે મોટા પડદા પર એવી કેટલીય મહિલા પ્રધાન ફિલ્મો રિલીઝ થઇ જેમણે સાબિત કર્યું કે ફિલ્મને હિટ કરાવવા માટે હીરોની જરૂર નથી હોતી. આજે આપણે એવી જ કેટલીક ફિલ્મોની વાત કરવાના છીએ જે આ વર્ષે હિટ થઈ કે ચર્ચામાં રહી.
મણિકર્ણિકાઃ ધ ક્વીન ઑફ ઝાંસી
25 જાન્યુઆરી 2019ના રિલીઝ થયેલી આ ફિલ્મમાં કંગના લીડ રોલમાં હતી. આ ફિલ્મમાં કંગનાએ ઝાંસીની રાણીની ભૂમિકા ભજવી હતી. એટલું જ નહીં આ ફિલ્મનું નિર્દેશન પણ પોતે કંગનાએ જ કર્યું હતું. બૉક્સ ઑફિસ પર ભલે 'મણિકર્ણિકા'એ ખાસ કમાલ ન દર્શાવ્યું, પણ ફિલ્મોમાં તેમની એક્ટિંગના ખૂબ જ વખાણ કર્યા હતા.
એક લડકી કો દેખા તો ઐસા લગાઃ
1 ફેબ્રુઆરી 2019ના રિલીઝ થયેલી આ ફિલ્મમાં સોનમ કપૂર લીડ એક્ટ્રેસ હતી. તો અનિલ કપૂરે તેના પિતાનું પાત્ર ભજવ્યું હતું જે સાઇડ રોલ હતું. આ ફિલ્મમાં સોનમે એક એવી સ્ટોરીની પસંદગી કરી હતી જેને પડદા પર બતાવવી સરળ નથી. ફિલ્મમાં સોન લેસ્બિયન બની હતી. ફિલ્મ દ્વારા તેણે એક લેસ્બિયનના જીવન પર પ્રકાશ પાડ્યો હતો.
ધ ઝોયા ફેક્ટરઃ
20 ડિસેમ્બર 2019ના રિલીઝ થયેલી ફિલ્મમાં પણ સોનમ કપૂર જ લીડ એક્ટ્રેસ હતી. ફિલ્મની આખી સ્ટોરી એક એવી છોકરીની આસપાસ ફરે છે જે પોતાને અનલકી માને છે. આ ફિલ્મમાં સોનમ સાથે દુલકર સલમાન લીડ રોલમાં હતો.
સાંડ કી આંખઃ
25 ઑક્ટોબર 2019ના રિલીઝ થયેલી આ ફિલ્મમાં તાપસી પન્નૂ અને ભૂમિ પેડણેકરે વૃદ્ધ મહિલાઓનું પાત્ર ભજવ્યું હતું. આ ફિલ્મમાં તાપસી અને ભૂમિ શૂટર દાદી બની હતી. ફિલ્મમાં બન્નેના રોલને લઈને કેટલાક સેલેબ્સે તેનો વિરોધ પણ કર્યો હતો. આ સ્ટોરી બે દાદીઓની રિયલ લાઇફ પર આધારિત હતી.
આ પણ વાંચો : આ સુંદર તસવીરોના લીધે ચર્ચામાં છે એક્ટ્રેસ ડાયના પેન્ટી, જુઓ તસવીરો
મર્દાની 2:
આ ફિલ્મ બે દિવસ પછી એટલે કે 13 ડિસેમ્બરે મોટા પડદા પર રિલીઝ થઈ રહી છે. આ ફિલ્મમાં રાની મુખર્જી લીડ રોલમાં છે. ખાસ વાત એ છે કે આ ફિલ્મમાં તેની સાથે કોઇપણ મેલ એક્ટર લીડ રોલમાં નથી. ફિલ્મમાં રાની મુખર્જી એક પોલીસ ઑફિસર બની છે જે યૌન શોષણનો મામલ ઉકેલે છે.