17 June, 2019 11:47 AM IST |
બોલીવુડ સિતારાઓએ વધાવી ટીમ ઇન્ડિયાને
16 જૂન રવિવારે હતી વર્લ્ડ કપ 2019માં ભારત-પાકની મેચ
વર્લ્ડ કપ 2019માં રવિવારના ભારત અને પાકિસ્તાન વચ્ચે થયેલી મેચમાં ટીમ ઇન્ડિયાએ વિજય મેળવ્યો. માન્ચેસ્ટરના ઓલ્ડ ટ્રેફ્ડમાં આ મેચ થઇ. ભારતે પોતાનો વિજય જાળવી રાખતાં વર્લ્ડ કપના ઇતિહાસમાં 7મી વાર પાકિસ્તાનને પરાજિત કર્યું. ભારતના આ વિજયથી આખા દેશમાં ઉજવણીનો માહોલ છે. ભારતીય ટીમને વધામણી આપવામાં સેલિબ્રિટિઝ પણ પાછળ નથી. સલમાન ખાનથી લઇને તૈમૂર સુધી બધાંએ જ ટીમ ઇન્ડિયાને જીતની શુભેચ્છાઓ આપી.
સલમાન ખાને શેર કરી તસવીર
સલમાન ખાને ટ્વિટર પર એક તસવીર શેર કરી જેમાં તેણે ઇન્ડિયા લખેલી ટી-શર્ટ પહેરી છે તે જોવા મળે છે. સાથે જ તેણે લખ્યું છે, "ટીમ ઇન્ડિયાને વધામણી".
તૈમૂરે પણ આપી ટીમ ઇન્ડિયાને સલામી
બીજી તરફ તૈમૂરની એક તસવીર સોશિયલ મીડિયા પર વાયરલ થઇ રહી છે જેમાં તૈમૂર ઇન્ડિયા લખેલી ટીશર્ટ પહેરીને ભારતને સલામી આપતો હોય તેવો દેખાય છે.
સૈફ અલી ખાન પણ પહોંચ્યો માન્ચેસ્ટર
સૈફ અલી ખાને પણ માન્ચેસ્ટર પહોંચીને ભારત પાકિસ્તાનની મેચની મજા માણી હતી. સૈફ અત્યારે 'જવાની જાનેમન'ની શૂટિંગ કરી રહ્યો છે. ક્રિકેટ ગ્રાઉન્ડમાં સૈફ સાથે તે જ ફિલ્મની મુખ્ય અભિનેત્રી આલિયા એફ પણ હાજર રહી. શિબાની દાંડેકર પણ આ મેચ જોતી જોવા મળી હતી.
આ પણ વાંચો : Ind VS Pak:આ અંદાજમાં મેચ જોવા પહોંચ્યો રણવીરસિંહ, ગ્રાઉન્ડ પર કરી મસ્તી
રણવીરે મેચ પહેલા ક્રિકેટર્સ સાથે કરી મસ્તી
આ બધાં સ્ટાર્સ મળીને ભારતને ચિયર કરી રહ્યા હતા. ત્યારે રણવીર સિંહ પણ માન્ચેસ્ટરની ધરતીએ પહોંચ્યો હતો. તેણે પોતાની મસ્તીથી ટીમ ઇન્ડિયામાં જોશ ભરવાનું કામ કર્યું. રણવીરે લગભગ બધાં જ ક્રિકેટર્સ સાથે ફોટોઝ ક્લિક કરાવ્યા. મેચ શરૂ થતાં પહેલાં રણવીરે શિખર ધવન સાથે ઘણી વાતો કરી. સ્ટેડિયમમાં હાજર પાકિસ્તાની એન્કર જૈનબ અબ્બાસ સાથે પણ રણવીરે સેલ્ફી લીધી.