06 May, 2019 10:21 AM IST |
કૅટરિના કૈફ
કૅટરિના કૈફ હાલમાં નવી રેન્જ રોવર કાર સાથે જોવા મળી રહી છે જે સલમાન ખાને ગિફ્ટ આપી હોવાની ચર્ચા છે. કૅટરિના અને સલમાનની ‘ભારત’ ઈદ દરમ્યાન રિલીઝ થવાની છે. એવામાં સલમાને તેને આ મોંઘી કાર આપી હોવાની ચર્ચા ચગડોળે ચગી છે. સલમાને થોડા સમય પહેલાં જ તેની મમ્મી માટે એક કાર ખરીદી હતી. જોકે તેની મમ્મી એ કારમાં બેસી ન શકતી હોવાથી એ એમને એમ પડી રહી હતી. બની શકે કે આ કાર સલમાને તેને ગિફ્ટ કરી દીધી હોય.
આ પણ વાંચો : ગદરની સીક્વલમાં તારા અને શકીનાની સ્ટોરીને આગળ ધપાવવામાં આવશે
જોકે કૅટરિનાએ આ કાર માટે વરલીમાં આવેલા એક કારના શોરૂમનો આભાર માન્યો છે. આથી તેણે આ કાર ખરીદી હોય એવી પણ શક્યતા છે. કારનો ફોટો ઇન્સ્ટાગ્રામ પર શૅર કરીને કૅટરિનાએ કૅપ્શન આપી હતી કે ‘આ અદ્ભુત અનુભવ માટે થૅન્ક યુ મોદી મોટર્સ, જૅગ્વાર લૅન્ડ રૉવર, વરલી.’