24 December, 2018 10:07 PM IST |
વિરાટ કોહલી અને અનુષ્કા શર્મા (ફાઈલ ફોટો)
વિરાટ કોહલીને ‘ઝીરો’માં વાઇફ અનુષ્કા શર્માની ભૂમિકા અદ્ભુત લાગી છે. આનંદ એલ. રાયના ડિરેક્શનમાં બનેલી આ ફિલ્મમાં અનુષ્કા એક સાયન્ટિસ્ટની ભૂમિકામાં જોવા મળી રહી છે. ફિલ્મ જોયા બાદ અનુષ્કાની પ્રશંસા કરતાં ટ્વિટર પર પ્રતિક્રિયા આપતાં વિરાટ કોહલીએ ટ્વીટ કર્યું હતું કે ‘મેં ‘ઝીરો’ જોઈ અને મને ફિલ્મ ખૂબ જ ગમી. ફિલ્મને મેં ખૂબ એન્જૉય કરી. દરેકનું પાત્ર સારું હતું. અનુષ્કા શર્માનો પર્ફોર્મન્સ મને ખૂબ ગમ્યો, કારણ કે મને લાગે છે કે આ રોલ ખૂબ જ પડકારજનક હતો અને અનુષ્કા ખરેખર અદ્ભુત છે.’