વિકી કૌશલની ‘ગુડ ફ્રેન્ડ’ કૅટરિના પણ કોરોના પૉઝિટિવ

મારા સંપર્કમાં આવેલા દરેકને હું ટેસ્ટ કરાવવા માટે વિનંતી કરું છું. તમારા પ્રેમ અને સપોર્ટ માટે હું તમારી આભારી છું. મહેરબાની કરીને સેફ રહો અને તમારી કાળજી રાખો.’

કૅટરિના કૈફ

વિકી કૌશલની ‘ગુડ ફ્રેન્ડ’ કૅટરિના કૈફ પણ કોરોના પૉઝિટિવ થઈ છે. વિકી કૌશલે પોતે કોરોના પૉઝિટિવ હોવાની જાણ કરતાના જ બીજા દિવસે કૅટરિનાએ પણ પૉઝિટિવ હોવાની જાણ કરી છે. નવાઈની વાત એ છે કે કૅટરિના હાલમાં કોઈ પણ ફિલ્મનું શૂટિંગ નથી કરી રહી. એવું કહેવાય છે કે કૅટરિના અને વિકી એકમેકને ડેટ કરી રહ્યાં છે. જોકે તેઓ બન્ને એકમેકને ‘ગુડ ફ્રેન્ડ’ કહે છે. ઇન્સ્ટાગ્રામ સ્ટોરી પર કૅટરિનાએ લખ્યું હતું કે ‘હું પણ કોવિડ-19 પૉઝિટિવ આવી છું. મેં તરત જ પોતાને આઇસોલેટ કરી દીધી છે અને હોમ ક્વૉરન્ટીન છુ. મારા ડૉક્ટર્સની સલાહ મુજબ હું તમામ સેફ્ટીના પ્રોટોકૉલ્સને ફૉલો કરી રહી છું. મારા સંપર્કમાં આવેલા દરેકને હું ટેસ્ટ કરાવવા માટે વિનંતી કરું છું. તમારા પ્રેમ અને સપોર્ટ માટે હું તમારી આભારી છું. મહેરબાની કરીને સેફ રહો અને તમારી કાળજી રાખો.’