કૅટરિના કૈફનો સલમાન ખાને બચાવ કર્યો તો ટાર્ગેટ થયો વિકી કૌશલ

કૅટરિના કૈફના પ્રેગ્નન્સી પછી બદલાયેલા શરીરને લઈને થઈ રહેલા ટ્રોલિંગ મુદ્દે સલમાન ખાનના નિવેદન બાદ કેટલાક લોકોએ વિકી કૌશલને સવાલ કર્યો હતો. લોકોએ પૂછ્યું કે તેણે પોતાની પત્નીના ટ્રોલિંગ સામે જાહેરમાં કેમ અવાજ ઉઠાવ્યો નથી.

કૅટરિના કૈફ અને વિકી કૌશલ

સલમાન ખાને તાજેતરના ‘બિગ બૉસ 20’ના વીકએન્ડ કા વાર એપિસોડમાં પ્રેગ્નન્સી પછી થોડી જાડી થઈ ગયેલી પોતાની ભૂતપૂર્વ પ્રેમિકા કૅટરિના કૈફના ટ્રોલર્સની જાહેરમાં ઝાટકણી કાઢી હતી અને પ્રેગ્નન્સી પછી મહિલાઓના બદલાતા શરીરને લઈને થતી ટ્રોલિંગ અને બૉડી-શેમિંગ પર સલમાને સવાલ ઉઠાવ્યો હતો. સલમાનના નિવેદન બાદ અનેક લોકોએ કૅટરિના માટે અવાજ ઉઠાવવા બદલ સલમાનની પ્રશંસા કરી હતી. જોકે કેટલાક લોકોએ કૅટરિનાના પતિ વિકી કૌશલને ટાર્ગેટ કરીને સવાલ કર્યો હતો અને કહ્યું હતું કે પોતાની પત્નીના થઈ રહેલા ટ્રોલિંગ વિશે તેણે જાહેરમાં કેમ કંઈ કહ્યું નથી.