તામિલ ફિલ્મ ‘કુઝંગલ્સ’ને ઑસ્કરમાં એન્ટ્રી મળતાં શુભેચ્છા આપી વિકી કૌશલે

પિતા જે છે તેની શરાબ પીવાની લતને કારણે તેની પત્ની તેને તરછોડી દે છે એથી તેને ઘરે પાછી લાવવા માટે આ પિતા-પુત્ર નીકળી પડે છે.

તામિલ ફિલ્મ ‘કુઝંગલ્સ’ને ઑસ્કરમાં એન્ટ્રી મળતાં શુભેચ્છા આપી વિકી કૌશલે

વિકી કૌશલે તામિલ ફિલ્મ ‘કુઝંગલ્સ’ને ૯૪મા ઑસ્કર અવૉર્ડ્સ ૨૦૨૨માં ભારત વતી એન્ટ્રી મળતાં કૉન્ગ્રેચ્યુલેશન્સ કહ્યું છે. આ વર્ષે રિલીઝ થયેલી આ ફિલ્મને જાણીતા ટાઇગર અવૉર્ડથી નવાજવામાં આવી હતી. આ ફિલ્મમાં કરુથડાઇયાન અને ચેલ્લાપન્ડી લીડ રોલમાં હતાં. ફિલ્મની સ્ટોરી પિતા-પુત્રના સંબંધો પર પ્રકાશ પાડે છે. પિતા જે છે તેની શરાબ પીવાની લતને કારણે તેની પત્ની તેને તરછોડી દે છે એથી તેને ઘરે પાછી લાવવા માટે આ પિતા-પુત્ર નીકળી પડે છે. આ ફિલ્મને નયનતારા અને વિજ્ઞેશ સિવને પ્રેઝન્ટ કરી છે અને નવોદિત ડિરેક્ટર પી. એસ. વિનોદરાજે ડિરેક્ટ કરી છે. આ ફિલ્મ ઉપરાંત વિકીની ‘સરદાર ઉધમ’, વિદ્યા બાલનની ‘શેરની’, યોગી બાબુની ‘મન્ડેલા’ અને માર્ટિન પ્રક્કાટની ‘નયટ્ટુ’ને પણ ઑસ્કરમાં મોકલવા માટે શૉર્ટ-લિસ્ટ કરવામાં આવી છે. ફિલ્મનું પોસ્ટર ઇન્સ્ટાસ્ટોરી પર શૅર કરીને વિકીએ કૅપ્શન આપી હતી, ‘કૉન્ગ્રેચ્યુલેશન્સ નયનતારા, વિજ્ઞેશ સિવન અને ટીમને. જીત હાંસલ કરી લો.’