તુષાર કપૂર અને નસીરુદ્દીન શાહની ‘મારીચ’ આવશે આ વર્ષે ૯ ડિસેમ્બરે

‘લક્ષ્મી’ બાદ પ્રોડ્યુસર તરીકે ‘મારીચ’ મારી બીજી ફિલ્મ છે : તુષાર કપૂર

નસીરુદ્દીન શાહ અને તુષાર કપૂર

તુષાર કપૂર અને નસીરુદ્દીન શાહની ‘મારીચ’ આ વર્ષે ૯ ડિસેમ્બરે થિયેટરમાં રિલીઝ થવાની છે. આ ફિલ્મને તુષારે પ્રોડ્યુસ કરી છે. અગાઉ પણ તેણે અક્ષયકુમારની ‘લક્ષ્મી’ પ્રોડ્યુસ કરી હતી. નસીરુદ્દીન શાહ સાથે તુષારની આ બીજી ફિલ્મ છે. બન્નેએ અગાઉ ‘ડર્ટી પિક્ચર’માં પણ કામ કર્યું હતું. ‘મારીચ’ વિશે તુષાર કપૂરે કહ્યું કે ‘આ ફિલ્મ મારા દિલની ખૂબ નજીક છે. ‘લક્ષ્મી’ બાદ પ્રોડ્યુસર તરીકે ‘મારીચ’ મારી બીજી ફિલ્મ છે. સાથે જ ઘણા સમય બાદ હું નસીરુદ્દીન શાહ સાહબ સાથે કામ કરી રહ્યો છું.’

પોતાનો રોલ ચૅલેન્જિંગ હોવાનું જણાવતાં તુષાર કપૂરે કહ્યું કે ‘એક ઍક્ટર તરીકે આ ફિલ્મે મને અનેક પ્રકારે પડકાર આપ્યો છે. અગાઉ મેં જે પણ કામ કર્યાં છે એનાથી આ હટકે રોલ છે. આશા છે કે દર્શકોને મારો આ નવો અવતાર ગમશે. આ વર્ષે ૯ ડિસેમ્બરે ‘મારીચ’ રિલીઝ થશે એને લઈને પણ હું એક્સાઇટેડ છું.’