લૉકડાઉનમાં બૉલીવુડ સેલેબ્ઝ શું કરે છે?

સોશ્યલ ડિસ્ટન્સ રાખવાની નવી યુક્તિ 

આલિયા ભટ્ટની બહેન શાહીન ભટ્ટે હાલમાં જ સોશ્યલ ડિસ્ટન્સ રાખવાની એક નવી યુક્તિ દેખાડી છે. આલિયા અને શાહીન તેનાં મમ્મી-પપ્પાના ઘરથી થોડે અંતરે આવેલા તેમના પોતાના ઘરમાં રહે છે. આલિયા સાથેનો ફોટો શાહીને શૅર કર્યો છે જેમાં બન્નેની વચ્ચે એક કાચ જોવા મળી રહ્યો છે. કોરોના વાઇરસના સમયમાં સોશ્યલ ડિસ્ટન્સ રાખવાની આ એક નવી યુક્તિ છે.

પત્નીઘેલો થયો વિરાટ

અનુષ્કા શર્માએ હાલમાં જ ઇન્સ્ટાગ્રામ પર એક ફોટો શૅર કર્યો છે અને એ જોઈને પતિ વિરાટ કોહલી તેનો ઘેલો બની ગયો છે. આ ફોટોમાં અનુષ્કાના ચહેરા પર સવારનો સૂર્યપ્રકાશ જોઈ શકાય છે. આ ફોટો શૅર કરતાં અનુષ્કાએ કૅપ્શન આપી હતી કે ‘અત્યાર સુધીમાં મને ખબર પડી ગઈ છે કે મારા ઘરમાં ક્યાં-ક્યાં સૂર્યપ્રકાશ આવે છે.’ અનુષ્કાના આ ફોટોને જોઈને ઘેલા થતાં વિરાટે કમેન્ટ કરી હતી કે ગૉર્જિયસ.

વરસાદની રાહ જોતો વિકી

વિકી કૌશલે ગઈ કાલે જ તેનો એક ફોટો શૅર કર્યો હતો જેમાં તે ઘરની બાલ્કનીમાં ખુરશી પર બેસીને વરસાદની રાહ જોતો જોવા મળી રહ્યો છે. આ ફોટો ઇન્સ્ટાગ્રામ પર શૅર કરવા સાથે વિકીએ કૅપ્શન આપી હતી કે ‘આશા રાખું છું કે આ પહેલો વરસાદ લોકોમાં ખુશી અને આરામ લઈને આવે નહીં કે વધુપડતો ડ્રામા. સુરક્ષિત રહો.’

પુરાની યાદેં

દિવ્યાંકા ત્રિપાઠી દહિયાએ હાલમાં જ તેના જૂના દિવસોને યાદ કર્યા છે. ‘યે હૈ મોહબ્બતેં’ની સ્પિન-ઑફ ‘યે હૈ ચાહતેં’માં તે કામ કરી રહી છે. લૉકડાઉનને કારણે તે હાલમાં પતિ વિવેક દહિયા સાથે સમય પસાર કરી રહી છે. તેણે હાલમાં જ તેના જૂના ફોટો શૅર કર્યા છે જેમાં તે નૅશનલ કેડેટ કૉર્ઝના યુનિફૉર્મમાં જોવા મળી રહી છે. આ ફોટો શૅર કરતાં દિવ્યાંકાએ કહ્યું હતું કે ‘મારા મસલ્સ જોઈ શકો છો. અમારા માટે એ સમયે આ જ બ્યુટી અને અચીવમેન્ટ્સ હતી. તમારો ચહેરો જ્યાં સુધી શૂઝમાં ન દેખાય ત્યાં સુધી એને પૉલિશ કરવાં અને મેડલ જીતવા,

જોર-જોરથી બૂમો પાડી માર્ચ કરવી એમાં જ મને ગર્વ મહેસૂસ થતો હતો. પાતળી મૅટ પર સૂવું, સવારની કસરત અને ધમધમતા તાપમાં ડ્રિલ પ્રૅક્ટિસ કરવામાં આવતી હતી. પવન અને વરસાદમાં અમારા ટેન્ટને પકડીને બેસી રહેવું. અમારી આસપાસ ફરતા સાપને દૂર કરવા. બેઝિક ફૂડ માટે લાઇનમાં ઊભા રહેવું એ જ અમારી લાઇફ હતી અને એમાં પણ મજા આવતી હતી, કારણ કે અમને ખબર હતી કે સર્વાઇવ કરવું વધુ મહત્ત્વનું છે. કેટલાક લોકો આવી પરિસ્થિતિમાં રહેવાનું પસંદ નથી કરતા અને કેટલાક પેરન્ટ્સ તેમનાં બાળકોને એમાંથી પસાર પણ નથી થવા દેતાં. જોકે મારું માનવું છે કે દરેક વ્યક્તિએ એમાંથી પસાર થવું જોઈએ, કારણ કે એ આપણને મેન્ટલી અને ફિઝિકલી સ્ટ્રૉન્ગ બનાવે છે. એમાંથી જે વ્યક્તિ પસાર થઈ હોય તે દુનિયાને ફેસ કરવા માટે હંમેશાં તૈયાર હોય છે.’