08 March, 2023 02:18 PM IST | Mumbai | Gujarati Mid-day Correspondent
અજય દેવગન
અજય દેવગને તેની ‘ભોલા’નું ટ્રેલર રિલીઝ કર્યું છે. આ ટ્રેલરમાં તે શંકર ભગવાનના ત્રિશૂલની મદદથી ફાઇટ કરતો જોવા મળી રહ્યો છે. આ ફિલ્મ ૨૦૧૯માં આવેલી તામિલ ફિલ્મ ‘કૈથી’ની હિન્દી રીમેક છે. અજય દેવગન દ્વારા ડિરેક્ટ કરવામાં આવેલી આ ફિલ્મ ૩૦ માર્ચે રિલીઝ થઈ રહી છે જેમાં તેની સાથે તબુ, દીપક ડોબરિયાલ, સંજય મિશ્રા અને ગજરાજ રાવ પણ છે. આ વિશે વાત કરતાં અજય દેવગને કહ્યું હતું કે ‘મને લાગે છે કે આ ખૂબ જ ઇન્ટરેસ્ટિંગ છે. આ થોડું મુશ્કેલ હતું, પરંતુ એકદમ અલગ હતું. અમે ફાઇટને ડિઝાઇન કરી અને ત્યાર બાદ એના પર અમલ કરીને એને પર્ફોર્મ કર્યું. ત્રિશૂલ મારા હાથમાં હોવાથી મારે એને લઈને કેટલીક જવાબદારીઓને ધ્યાનમાં રાખવી પડી હતી.’