12 June, 2020 11:37 PM IST | Mumbai | Nirali Dave
કાજોલ
હૉટસ્ટાર સ્પેશ્યલ સિરીઝ ‘આર્યા’થી સુસ્મિતા સેન લાંબા સમય બાદ કમબૅક કરી રહી છે. સુસ્મિતાના ચાહકો ઉપરાંત અન્ય કલાકારોને પણ ‘આર્યા’નું ટ્રેલર ગમ્યું છે અને સુસ્મિતાને પાવરફુલ રોલમાં જોવા માટે તેઓ આતુર છે. ક્રાઇમ થ્રિલર ‘આર્યા’ મૂળ ડચ સિરીઝ ‘પેનોઝા’ની રીમેક છે અને આ સિરીઝને ‘નીરજા’ ફેમ ડિરેક્ટર રામ માધવાણી ડિરેક્ટ કરી રહ્યા છે. જોકે ‘આર્યા’ના લીડ રોલ માટે ડિરેક્ટરની પહેલી પસંદગિ સુસ્મિતા નહીં, કાજોલ હતી.
રામ માધવાણી ‘આર્યા’ માટે કોઈ એવી ઍક્ટ્રેસની શોધમાં હતા જેની સ્ક્રીન-પ્રેઝન્સ દમદાર હોય અને એક અદ્ભુત અભિનેત્રી હોય. બહુ પહેલાં કાજોલને જ્યારે આ સિરીઝની સ્ટોરીલાઇન સંભળાવવામાં આવી ત્યારે તે આ રોલ માટે તૈયાર થઈ ગઈ હતી. બધું ફાઇનલ થવા પર હતું ત્યાં છેલ્લી ઘડીએ વ્યક્તિગત કારણસર કાજોલે આ રોલ કરવાની ના પાડી દીધી. ત્યાર બાદ થોડો સમય આ પ્રોજેક્ટનું કામ અભેરાઈએ ચડી ગયું અને રામ માધવાણીને સુસ્મિતા સેનના રૂપમાં તેમની ‘આર્યા’ મળી ગઈ. ૧૯ જૂને ડિઝની પ્લસ હૉટસ્ટાર પર રિલીઝ થઈ રહેલી ‘આર્યા’માં સુસ્મિતા સેન ઉપરાંત ચંદ્રચૂડ સિંહ, સિકંદર ખેર, નમિત દાસ જેવા ઍક્ટર્સ છે.