19 June, 2022 05:26 PM IST | Mumbai | Gujarati Mid-day Correspondent
વિક્રમ ફિલ્મ
કમલ હાસનની ‘વિક્રમ’એ પાંચ વર્ષ જૂનો ‘બાહુબલી 2’નો રેકૉર્ડ પોતાને નામ કરી લીધો છે. તામિલ ફિલ્મમાં સૌથી વધુ બિઝનેસ કરવાનો રેકૉર્ડ અત્યાર સુધી ‘બાહુબલી 2’ના નામે હતો. આ ફિલ્મે ટોટલ ૧૪૬.૧૦ કરોડ રૂપિયાનો બિઝનેસ કર્યો હતો. જોકે હવે ‘વિક્રમ’એ ૧૫૦થી વધુ કરોડ રૂપિયાનો બિઝનેસ કરીને આ રેકૉર્ડ પોતાને નામે કરી લીધો છે. એ બહુ જલદી ૩૫૦ કરોડ રૂપિયાનો આંકડો ક્રૉસ કરવા જઈ રહી છે. લોકેશ કનકરાજની ઍક્શન એન્ટરટેઇનર ‘વિક્રમ’ બૉક્સ-ઑફિસ પર ઘણા રેકૉર્ડ બનાવી રહી છે. આ વિશે એન્ટરટેઇનમેન્ટ ઇન્ડસ્ટ્રી ટ્રેકર શ્રીધર પિલ્લેએ કહ્યું હતું કે આ વીક-એન્ડમાં ‘વિક્રમ’ ૩૫૦ કરોડ રૂપિયાનો ગ્રોસ ક્લેક્શનનો આંકડો ક્રૉસ કરી લેશે. આ ફિલ્મની સફળતાને લઈને શુક્રવારે સક્સેસ પાર્ટી પણ રાખવામાં આવી હતી. રેડ જાયન્ટ મૂવીઝ ડિસ્ટ્રિબ્યુશન કંપનીના ઉધ્યાનિધિએ કહ્યું કે ‘અમને ખબર હતી કે ફિલ્મ હિટ રહેશે, પરંતુ એ નહોતી ખબર કે આટલી મોટી હિટ રહેશે. આ ફિલ્મનું ત્રીજું અઠવાડિયું ચાલી રહ્યું છે અને એમાં ફિલ્મે ૭૫ કરોડનો બિઝનેસ કર્યો છે. આજ સુધી એક પણ તામિલ ફિલ્મે આટલો બિઝનેસ નથી કર્યો. આ ફિલ્મ હજી પણ સારો બિઝનેસ કરી રહી છે. આ ફિલ્મ હજી પણ પાંચથી છ અઠવાડિયાં સુધી ચાલશે એવી આશા છે.’