ગલી બૉયને આજે ઓવરટેક કરશે સુપર 30

રણવીર VS હ્રિતિક

મુંબઈ (મિડ-ડે પ્રતિનિધિ) : હૃતિક રોશનની ‘સુપર 30’ બહુ જલદી રણવીર સિંહની ‘ગલી બૉય’ને ટક્કર આપશે. હૃતિકની ફિલ્મે સોમવાર સુધીમાં ૧૩૮.૭૮ કરોડ રૂપિયાનો બિઝનેસ કર્યો છે. આ ફિલ્મને ધારવા કરતાં ઘણી સફળતા મળી છે અને લોકો હજી પણ એને પસંદ કરી રહ્યાં છે. આ ફિલ્મે પહેલાં અઠવાડિયામાં ૭૫.૮૫ કરોડ, બીજા અઠવાડિયામાં ૩૭.૮૬ કરોડ, ત્રીજા અઠવાડિયામાં ૧૭.૯૪ કરોડ અને ચોથા અઠવાડિયાના શુક્રવારે ૯૬ લાખ, શનિવારે ૨.૧૦ કરોડ, રવિવારે ૩.૨૨ કરોડ અને સોમવારના ૮૫ લાખ સાથે ટોટલ ૧૩૮.૭૮ કરોડ રૂપિયાનો બિઝનેસ કર્યો છે. રણવીર સિંહની ‘ગલી બૉય’એ ૧૪૦.૨૫ કરોડ રૂપિયાનો બિઝનેસ કર્યો છે. આ આંકડો મંગળવારના અને આજના બિઝનેસ સાથે પાર થવાની સંભાવના છે.

આ પણ વાંચો : જાણો સુહાના ખાન અને જાન્હવી કપૂરની બેલી ડાન્સ ટ્રેનર વિશે આ ખાસ બાબતો