11 July, 2019 07:40 PM IST | મુંબઈ ડેસ્ક
હ્રિતિક રોશન
અઢી વર્ષના લાંબાગાળા પછી હ્રિતિક રોશનની ફિલ્મ સુપર 30 શુક્રવારે 12 જુલાઇના રિલીઝ થઈ રહી છે. હ્રિતિક આ પહેલા 2017ની ફિલ્મ કાબિલ દ્વારા મોટા પડદા પર જોવા મળ્યો હતો. અઢી વર્ષનો સમય ઓછો નથી હોતો, જો કે હ્રિતિકના ચાહકો તેના કમબૅકની રાહ આતુરતાપૂર્વક જોઈ રહ્યા છે. હ્રિતિક આ વખતે એક જુદા પ્રકારની ફિલ્મ દ્વારા દર્શકો વચ્ચે આવી રહ્યો છે.
સુપર 30 પટનાના કૉચિંગ સંચાલક આનંદ કુમારની બાયોપિક પર બનેલી ફિલ્મ છે. આ ફિલ્મ માટે હ્રિતિકે પોતાનામાં ઘણાં ફેરફારો કર્યા છે. હ્રિતિકની આ પહેલી ફિલ્મ છે જે બાયોપિકના આધારે બની છે અને તે પણ એક લિવિંગ પર્સનાલિટીના પાત્રમાં જોવા મળશે. પોતાના પાત્ર માટે હ્રિતિકે પોતાને ટેન કર્યો છે અને લહેકો પણ ભોજપુરી કર્યો છે. સુપર 30થી ટ્રેડને ઘણી આશાઓ છે. જાણકારો માને છે કે ફિલ્મ પહેલા દિવસે 12-15 કરોડ કમાઇ શકે છે. હ્રિતિકની છેલ્લી ફિલ્મોનો ટ્રેન્ડ જોતાં સુપર 30ને આટલી ઓપનિંગ મળે તેવી આશા છે.
સુપર 30 વિકાસ બહલે ડાયરેક્ટ કરી છે. સમીક્ષકોએ ફિલ્મને સારા રિવ્યૂઝ આપ્યા છે. સુપર 30નો કૉચિંગ સંચાલક આનંદ કુમારની લોકપ્રિયતાનો કારણે લાભ મેળવી શકે છે. હ્રિતિકની છેલ્લી ફિલ્મ કાબિલ વર્ષ 2017ના જાન્યુઆરીમાં રિલીઝ થઈ હતી. આ ફિલ્મે 10.43 કરોડની ઓપનિંગ મળી હતી અને 126.85 કરોડનું લાઇફ ટાઇમ કલેક્શન મળ્યું હતું.
આ પણ વાંચો : અરમાન ભાનુશાલી: 9ની વયે 3 મોટા ઓપરેશન છતાં સ્ટેજ પર ધમાલ મચાવે છે મિરેકલ બૉય
2016માં આવેલી મોહેનજો દડોએ 8.87 કરોડની ઓપનિંગ કરી હતી, જ્યારે ફિલ્મ 58 કરોડની આસપાસનું કલેક્શન મેળવી શકી હતી. 2014માં રિલીઝ થયેલી ફિલ્મ બેંગબેંગએ 27.54 કરોડનું કલેક્શન પહેલા દિવસે કર્યું હતું. 2013માં હ્રિતિકની સુપરહીરો ફિલ્મ ક્રિષ રિલીઝ થઈ, જેણે 24.25 કરોડની ઓપનિંગ લીધી હતી, જ્યારે 240.50 કરોડનું લાઇફ ટાઇમ કલેક્શન કર્યું હતું.