ઍક્શનપૅક્ડ ઍન્ટનીમાં સની દેઓલ બનશે પોલીસ-ઑફિસર

હાલમાં મુંબઈનું શૂટિંગ શેડ્યુલ પૂરું કર્યા પછી હવે સની દેઓલ આગળના સીન માટે ગોવા જવાનો છે

સની દેઓલ

સની દેઓલ ફિલ્મ ‘બૉર્ડર 2’ની સફળતા પછી હવે પોતાની નવી ફિલ્મ ‘ઍન્ટની’ની તૈયારીમાં વ્યસ્ત થઈ ગયો છે. આ એક ઍક્શન ફિલ્મ છે અને હાલમાં મુંબઈનું શૂટિંગ શેડ્યુલ પૂરું કર્યા પછી હવે તે આગળના સીન માટે ગોવા જવાનો છે.

‘ઍન્ટની’ની વાર્તા ગોવામાં ફેલાયેલા એક ક્રાઇમ-સિન્ડિકેટની આસપાસ ફરે છે. એમાં સની દેઓલ આ ગૅન્ગને ખતમ કરવા માગતા એક પોલીસ-ઑફિસરના રોલમાં જોવા મળશે. ફિલ્મના મોટા ઍક્શન સીન પણ ગોવામાં જ શૂટ કરવામાં આવશે. ફિલ્મમાં સનીની સાથે જ્યોતિકા અને વિજય વર્મા પણ મહત્ત્વપૂર્ણ ભૂમિકામાં છે. વિજય વર્મા આ ફિલ્મમાં વિલનનું પાત્ર ભજવી રહ્યો છે. રિપોર્ટ મુજબ ગોવામાં લગભગ એક મહિના લાંબું શૂટિંગ શેડ્યુલ રહેશે જે ફિલ્મ માટે ખૂબ મહત્ત્વનું છે.