12 December, 2019 03:27 PM IST | Mumbai
NADA મો બ્રાન્ડ એમ્બેસેડર બન્યો સુનિલ શેટ્ટી
(એ.એન.આઇ.) સુનીલ શેટ્ટીને નૅશનલ એન્ટિ ડૉપિંગ એજેન્સીનો બ્રૅન્ડ ઍમ્બૅસૅડર નિમવામાં આવ્યો છે. નૅશનલ એન્ટિ ડૉપિંગ એજેન્સી અને ઑલ ઇન્ડિયા ફૂટબૉલ ફેડરેશને તાજેતરમાં જ ફૂટબૉલનાં ખેલાડીઓ માટે ડૉપિંગ માટે સજાગતા લાવવા માટે વર્કશોપ્સનું આયોજન કર્યું હતું. આવા વર્કશોપ્સ હવે સતત યોજવામાં આવશે. આ એજેન્સીનો ઉદ્દેશ ખેલાડીઓને ‘ડૉપ-ફ્રી’ સ્પોર્ટ્સ રમવા માટે પ્રેરિત કરવાનો છે. મહિનામાં એક વખત આવા પ્રકારનાં વર્કશોપ્સનું આયોજન કરવામાં આવશે.
આ પણ જુઓ : ફિલ્મફેર ગ્લેમર એન્ડ સ્ટાઈલ અવૉર્ડમાં ઉમટ્યા સિતારાઓ, જુઓ દિલકશ તસવીરો
સુનીલ શેટ્ટીને બ્રૅન્ડ ઍમ્બૅસૅડર બનાવવામાં આવતા એનો ફોટો ઇન્સ્ટાગ્રામ પર શૅર કરીને સુનીલ શેટ્ટીએ કૅપ્શન આપી હતી કે ‘મને ‘ડૉપ-ફ્રી’ સ્પોર્ટ્સ માટે નૅશનલ એન્ટિ ડૉપિંગ એજેન્સીએ બ્રૅન્ડ ઍમ્બૅસૅડર બનાવ્યો એ માટે હું ખૂબ સન્માન અનુભવી રહ્યો છું.
સંસ્થાનાં આ પ્રયાસને સફળ બનાવવા માટે હું પૂરું યોગદાન આપીશ. દેશનાં યુવા ઍથલિટ્સ પ્રામાણિકપણે સ્પોર્ટ્સ રમે એ દિશામાં તેમને એજ્યુકેશન આપીશ.’