પૃથ્વીરાજના સેટ પર સંજય દત્તની આતુરતાથી રાહ જોઈ રહ્યો છે સોનુ

પૃથ્વીરાજના સેટ પર સંજય દત્તની આતુરતાથી રાહ જોઈ રહ્યો છે સોનુ

સંજય દત્ત, સોનુ સૂદ

સોનુ સૂદ ‘પૃથ્વીરાજ’ના સેટ પર સંજય દત્તની ઉત્સાહથી રાહ જોઈ રહ્યો છે. તાજેતરમાં જ સંજય દત્તે ખુશી વ્યક્ત કરતાં જણાવ્યું હતું કે તે હવે કૅન્સર-ફ્રી થઈ ગયો છે. આ વાતની માહિતી તેણે સોશ્યલ મીડિયામાં આપી હતી. તેણે ટ્વિટર પર ટ્વીટ કરીને કૅન્સરના જંગ વિશે વાતો શૅર કરી હતી. સાથે જ ફ્રેન્ડ્સ, ફૅમિલી અને ફૅન્સે કરેલી પ્રાર્થનાઓ પ્રતિ પણ તેણે આભાર વ્યક્ત કર્યો હતો. આ પોસ્ટને ટ્વિટર પર શૅર કરીને સોનુ સૂદે ટ્વીટ કર્યું હતું કે ‘લવ યુ બાબા. હું ‘પૃથ્વીરાજ’ના સેટ પર તમારી ઉત્સુકતાથી રાહ જોઈ રહ્યો છું.’