12 November, 2019 08:58 PM IST | Mumbai Desk
બોલીવુડ અભિનેત્રી સોનાલી બેન્દ્રે ઘણાં સમયથી સિલ્વર સ્ક્રીનથી દૂર છે, પણ તે ઘણીવાર પોતાની લાઇફ સાથે જોડાયેલી સ્ટોરી શૅર કરતી હોય છે. આજે એટલે કે 12 નવેમ્બરના સોનાલીની વેડિંગ એનિવર્સરી છે અને તેણે પ્રશંસકો માટે પોતાની તસવીર શૅર કરી છે.
સોનાલીએ આ ખાસ અવસરે ઇન્સ્ટાગ્રામ પર પોતાના પતિ સાથેની એક તસવીર શૅર કરી છે. તસવીરમાં સૌથી ખાસ છે તેનું કૅપ્શન, આ પોસ્ટમાં તેણે પોતાની કેન્સરની બીમારીનો પણ ઉલ્લેખ કર્યો છે. સોનાલીએ પોતાના કેન્સરની સારવાર ન્યૂયૉર્કમાં કરાવી હતી. હવે તે બિલકુલ સ્વસ્થ છે અને તે આ ખાસ અવસરે પતિ સાથે રોડ ડ્રાઇવ પર નીકળી.
સોનાલી બેન્દ્રેએ પતિને કહ્યું- થેન્ક્યૂ
સોનાલીએ આ તસવીર શૅર કરતાં લખ્યું, ગયા વર્ષે આ દિવસે... અમે ન્યૂયૉર્કના હૉસ્પિટલમાં હતા. ત્યારથી, બેન્દ્રે-બહલ બે સમય અવધિ તરીકે ઓળખવામાં અઆવતાં હતા- કેન્સર પહેલા અને કેન્સર પછી. તાજેતરમાં જ, મારું લક્ષ્ય નવી વસ્તુઓને આગળ વધારવું અને રાખવું છે.
સોનાલીએ જણાવ્યું, પોતાની 17મી વેડિંગ એનિવર્સરીના અવસરે અમે બ્રેકનો નિર્ણય લીધો અને રોડ ટ્રિપ માટે નીકળ્યા. કેન્સર પહેલા, ગોલ્ડી આવી વસ્તુઓ માટે રેડી થતાં ન હતા. મને ગમે છે કે જે રીતે તે એકાએક બદલાયા છે. ગોલ્ડીએ બધી વસ્તુઓ ટાળી દીધી અને ફક્ત મારા પર ધ્યાન આપી રહ્યા છે... અને હું તેમના પર ધ્યાન આપી રહી છું. હેપ્પી એનિવર્સરી ગોલ્ડી બહલ, હું તને આશા કરતાં પણ વધારે પ્રેમ કરું છું.
આ પણ વાંચો : Aarohi Patel: અલબેલી 'આર.જે. અંતરા'ના અનોખા અંદાજ જુઓ તસવીરોમાં...
કેટલાય બોલીવુડ સિતારાઓએ સોનાલી બેન્દ્રેની આ પોસ્ટ પર પ્રતિક્રિયા પણ આપી દીધી છે. બોલીવુડ એક્ટર હ્રિતિક રોશન, તાહિરા કશ્યપ, શ્વેતા બચ્ચને પણ બન્નેને એનિવર્સરીની વધામણી આપી છે.