04 December, 2022 11:44 AM IST | Jeddah | Gujarati Mid-day Correspondent
શાહરુખને પોતાની બાજુમાં જોઈને ચોંકી ગઈ શેરોન સ્ટોન
‘રેડ સી ઇન્ટરનૅશનલ ફિલ્મ ફેસ્ટિવલ’માં શાહરુખ ખાનને પોતાની બાજુમાં જોઈને હૉલીવુડ સ્ટાર શેરોન સ્ટોન ચોંકી ગઈ હતી. શેરોન સ્ટોને અનેક ફિલ્મો અને સિરિયલમાં કામ કર્યું છે. શાહરુખને પોતાની બાજુમાં બેઠેલો જોઈને શેરોને જે એક્સપ્રેશન આપ્યાં છે એની વિડિયો-ક્લિપ સોશ્યલ મીડિયામાં વાઇરલ થઈ છે. તેના હાવભાવ જોઈને શાહરુખના ફૅન્સ પણ ખૂબ ખુશ છે. ભારતીય સિનેમામાં આપેલા પોતાના યોગદાન બદલ શાહરુખને આ ફેસ્ટિવલમાં સન્માનિત કરવામાં આવ્યો છે. જ્યારે શાહરુખનું નામ અનાઉન્સ કરવામાં આવ્યું ત્યારે શેરોન ક્લેપ તો કરે જ છે, પરંતુ સાથે જ શાહરુખને પોતાની બાજુમાંથી ઊભો થતો જોઈને શેરોનના મોઢામાંથી શબ્દો નીકળી પડે છે, ‘ઓહ માય ગૉડ.’ તે શાહરુખને ‘નમસ્તે’ કરતી પણ જોવા મળી હતી.