21 March, 2023 04:12 PM IST | Mumbai | Gujarati Mid-day Correspondent
શાહરુખ ખાન
શાહરુખ ખાનની ‘જવાન’ પોસ્ટપોન થઈ હોવાની શક્યતા છે. ઍક્શનથી ભરપૂર આ ફિલ્મ આ વર્ષે બીજી જૂને રિલીઝ થશે. ડિરેક્ટર એટલીની આ ફિલ્મમાં તેની સાથે સાઉથની નયનતારા, વિજય સેતુપતિ અને સાન્યા મલ્હોત્રા પણ જોવા મળશે. ફિલ્મને હિન્દી, તામિલ, તેલુગુ, મલયાલમ અને કન્નડમાં રિલીઝ કરવામાં આવશે. એવું જાણવા મળ્યું છે કે આ ફિલ્મ કદાચ ઑક્ટોબરમાં રિલીઝ થશે. જો ‘જવાન’ પોસ્ટપોન થઈ તો શાહરુખની ‘ડંકી’ પણ પોસ્ટપોન કરવાની શક્યતા પ્રબળ બને છે. ‘ડંકી’ આ વર્ષે બાવીસમી ડિસેમ્બરે રિલીઝ થશે. જોકે બન્ને ફિલ્મો વચ્ચે ફક્ત બે મહિનાનો ગૅપ રાખવો એ કદાચ શાહરુખ અને મેકર્સને મંજૂર નહીં હોય. એથી જો ‘જવાન’ પોસ્ટપોન થઈ તો ‘ડંકી’ પણ પાછળ ઠેલાતાં આવતા વર્ષે રિલીઝ થાય એવી શક્યતા છે.