30 September, 2019 07:59 PM IST | મુંબઈ ડેસ્ક
શાહરુખ ખાન
સોશિયલ મીડિયા પર છેલ્લા કેટલાક વર્ષોમાં સેલિબ્રિટી જેવા દેખાતાં અનેક લોકો જોવા મળ્યા છે. કેટલાક લોકોના ચહેરા સ્ટાર સાથે એટલા બધાં મેળખાતાં હોય છે કે ઓળખવું મુશ્કેલ બની જાય છે કે કોણ અસલી છે અને કોણ નકલી. શાહરુખ ખાનના ડુપ્લીકેટ પણ સામે આવ્યા છે, પણ તેમાંથી એવું કોઇ નથી જેને જોઇને ચાહકો માત ખાય. પણ શાહરુખ ખાનના ફેન્સ પેજ પરથી એક વ્યક્તિની તસવીર શૅર થઈ છે, જે આબેહૂબ શાહરૂખ ખાન જેવા લાગે છે. આ વ્યક્તિની હેર સ્ટાઇલ અને અદાઓ પણ કિંગ ખાન જેવી છે.
20 વર્ષ પછી આવા જ દેખાશે કિંગ ખાન
એસઆરકેના ઇન્સ્ટા ફેન પેજ પરથી શૅર થયેલી તસવીર જાર્ડનની છે. લોકો તેને શાહરુખ સમજીને તેને થોભાવીને ઑટોગ્રાફ લેવા માંડે છે. શૅર કરાયેલી તસવીરમાં પણ લોકો સેલ્ફી લેતાં અને ઑટોગ્રાફ લેતાં જ જોવા મળે છે. ફેન્સનું કહેવું છે કે શાહરુખ 20 વર્ષ પછી આવા જ દેખાશે. જો કે, આ વ્યક્તિનું કહેવું છે કે તેને હમશક્લ જેવો શબ્દ નથી ગમતો. તો શાહરુખ ખાનની ફિલ્મની વાત કરીએ તો તે ગયા વર્ષે ઝીરોમાં જોવા મળ્યો હતો. આ ફિલ્મમાં અનુષ્કા શર્મા અને કેટરીના કૅફ પણ મુખ્ય ભૂમિકામાં હતી.
આ પણ વાંચો : Shruti Pathak: 'રાધાને શ્યામ મળી જશે' સિંગરની આવી છે પર્સનલ લાઈફ
ઉલ્લેખનીય છે કે જાણીતી હોલીવુડ ફિલ્મ કિલ બિલની હિન્દી રીમેક બનવા જઈ રહી છે. અહેવાલો પ્રમાણે નિખીલ દ્વિવેદી આ ફિલ્મની રીમેક બનાવવાની તૈયારી કરી રહ્યા છે. ઉમા થુર્માન સ્ટારર આ ફિલ્મને અંજલિ રૂપે નિખિલ દ્વિવેદી અને અનુરાગ કશ્યપ એક ફિલ્મ બનાવવા જઈ રહ્યા છે.
અહેવાલો એવા પણ આવી રહ્યા છે કે આ ફિલ્મમાં શાહરૂખ ખાન જોવા મળી શકે છે. કિલ બિલ ફિલ્મની રીમેકમાં બિલનું પાત્ર શાહરૂખ ખાન ભજવી શકે છે. જેના માટે શાહરૂખ ખાનનો સંપર્ક સાધવામાં આવી રહ્યો છે.