28 November, 2020 07:38 PM IST | Mumbai | Gujarati Mid-day Correspondent
વિકી કૌશલ, સારા અલી ખાન
સારા અલી ખાન ‘ઇમોર્ટલ અશ્વત્થામા’માં વિકી કૌશલ સાથે જોવા મળશે એવી ચર્ચા ચાલી રહી છે. વિકીની જેમ જ સારાની પણ આ ફિલ્મમાં અગત્યની ભૂમિકા રહેશે. આ ફિલ્મ માટે વિકીએ સખત ટ્રેઇનિંગ લેવાની રહેશે. સારા પણ આ ફિલ્મ સાઇન કરીને આવતા વર્ષથી એની તૈયારી શરૂ કરવાની છે. સારા હાલમાં તો આનંદ એલ. રાયની ‘અતરંગી રે’ના છેલ્લા શેડ્યુલમાં બિઝી છે. ‘ઇમોર્ટલ અશ્વત્થામા’નું શૂટિંગ શરૂ થાય એ પહેલાં વિકી ચાર મહિનાની ટ્રેઇનિંગ લેશે. આ ફિલ્મ માટે વિકી માર્શલ આર્ટ્સ, ક્રવ માગ અને જુજુત્સુની તૈયારી શરૂ કરશે. ઘોડેસવારી, આર્ચરી અને તલવારબાજી પણ તે શીખવાનો છે. આ ફિલ્મને ભારતની સાથે જ ગ્રીસ, નામિબિયા, ન્યુ ઝીલૅન્ડ અને જપાનમાં શૂટ કરવામાં આવશે. ફિલ્મ વિડિયો ઇફેક્ટ્સથી ભરપૂર હશે.