સલમાન ખાન પહેલા દિવસે થિયેટરમાં ‘જવાન’ જોવા જશે

ટ્રેલરને પહેલા દિવસે એટલે કે ૨૪ કલાકમાં સો મિલ્યનથી વધુ વ્યુઝ મળ્યા છે.

સલમાન ખાન

સલમાન ખાનનું કહેવું છે કે તે ‘જવાન’ને પહેલા જ દિવસે થિયેટરમાં જોવા માટે જશે. શાહરુખ ખાનની ‘જવાન’નો પ્રીવ્યુ હાલમાં રિલીઝ કરવામાં આવ્યો છે. તેને પહેલા દિવસે એટલે કે ૨૪ કલાકમાં સો મિલ્યનથી વધુ વ્યુઝ મળ્યા છે. આ પ્રીવ્યુને શૅર કરતાં સલમાને ટ્વીટ કર્યું હતું કે ‘પઠાન જવાન બન ગયા. અદ્ભુત ટ્રેલર છે. મને ખૂબ જ ગમ્યું. આ એક એવી ફિલ્મ છે જેને આપણે બધાએ થિયેટરમાં જ જોવી જોઈએ. હું તો પહેલા જ દિવસે જોવા જવાનો છું. મઝા આ ગયા વાહ.’
સલમાનના ટ્વીટનો જવાબ આપતાં શાહરુખે ટ્વીટ કર્યું કે ‘પહલે ભાઈ, ઇસ લિએ આપકો હી દિખાયા. તારી શુભેચ્છા માટે અને પહેલી ટિકિટ બુક કરી દેવા માટે આભાર. તને ખૂબ જ પ્રેમ.’