19 July, 2026 08:35 AM IST | London | Gujarati Mid-day Correspondent
અનીત પડ્ડા અને અહાન પાંડે
અનીત પડ્ડા અને અહાન પાંડને લીડ રોલમાં ચમકાવતી ‘સૈયારા’ ગયા વર્ષે ૧૮ જુલાઈએ રિલીઝ થઈ હતી. ગઈ કાલે આ ફિલ્મની રિલીઝને એક વર્ષ થયું હોવાના પ્રસંગે અનીત અને અહાને લંડનમાં આવેલા વેમ્બ્લી સ્ટેડિયમમાં હાજરી આપી હતી. આ ખાસ પ્રસંગે અનીતે સાદગીભર્યો છતાં સ્ટાઇલિશ લુક પસંદ કર્યો હતો. અનીતે પીળા રંગનો ફ્લોરલ મિની ડ્રેસ પહેરીને પોતાની સરળ અને આકર્ષક ફૅશન-સેન્સથી સૌનું ધ્યાન ખેંચ્યું હતું.
વેમ્બ્લી સ્ટેડિયમ ફિલ્મ ‘સૈયારા’માં મહત્ત્વનું સ્થાન ધરાવે છે. આ ફિલ્મના યાદગાર દૃશ્યમાં અહાન પાંડેનું પાત્ર ક્રિશ કપૂર સ્ટેડિયમની વિશાળ સ્ક્રીન પર અનીતને આંખોથી શોધી કાઢે છે.
