26 July, 2020 08:29 AM IST | Mumbai | Gujarati Mid-day Correspondent
રિચા ચઢ્ઢા
રિચા ચઢ્ઢાએ સોશ્યલ મીડિયામાં ફેલાયેલા ઝેરને કારણે પોતાનું ટ્વિટર અકાઉન્ટ પ્રાઇવેટ કર્યું છે. એની પાછળનું કારણ જણાવતાં રિચાએ એના મોબાઇલનો સ્ક્રીન ટાઇમ શૅર કર્યો છે. એમાં દેખાય છે કે એક દિવસનો તેનો સ્ક્રીન ટાઇમ ૪ કલાક અને ૧૪ મિનિટ છે. તેનો અઠવાડિયાનો સ્ક્રીન ટાઇમ ૨૯ કલાક અને ૪૯ મિનિટ છે. એમાંથી ૧૯ કલાક અને ૪૯ મિનિટ તે સોશ્યલ નેટવર્કિંગમાં વાપરે છે. ટ્વિટર પરનો તેનો સમય ૯ કલાકનો દેખાડી રહ્યો છે. એ વિશે ટ્વિટર પર રિચા ચઢ્ઢાએ ટ્વીટ કર્યું હતું કે ‘હું મારું અકાઉન્ટ પ્રાઇવેટ કરી રહી છું. એટલા માટે નહીં કે આ પ્લૅટફૉર્મ ટોક્સીક છે. (દુનિયા જ આખી ટોક્સીક છે, તો શું કરીએ.) હું અહીં મદદ કરવા, સપોર્ટ કરવા, પ્રોત્સાહન આપવા અને જૉક્સ શૅર કરવા આવી છું, પરંતુ મારી એક ડેડલાઇન છે. આ માઇન્ડલેસ સ્ક્રોલિંગ મારો ખૂબ સમય લે છે.’