રામાયણમાં કવ્વાલી જેવું સંગીત? એ.આર.રહમાનની કેટલાક લોકો કરી રહ્યા છે ટીકા

ફિલ્મના નવા સૉન્ગ મંગલ રંગને લઈને સોશ્યલ મીડિયામાં એ.આર. રહમાનની કેટલાક લોકો કરી રહ્યા છે ટીકા

એ.આર.રહેમાન

રણબીર કપૂરની ફિલ્મ ‘રામાયણ’ પાંચમી નવેમ્બરે રિલીઝ થવાની છે. આ ફિલ્મને લઈને દર્શકોમાં ભારે ઉત્સાહ જોવા મળી રહ્યો છે અને ફિલ્મનું ઍડ્‌વાન્સ બુકિંગ પણ શરૂ થઈ ગયું છે. આ દરમ્યાન નિર્માતાઓએ રવિવારે ફિલ્મનું નવું ગીત ‘મંગલ રંગ’ રિલીઝ કર્યું હતું. એ.આર. રહમાનના સંગીતથી સજ્જ આ ગીતને અરિજિત સિંહ અને શ્રેયા ઘોષાલે સ્વર આપ્યો છે. આ ગીતમાં ભગવાન રામ અને માતા સીતાના પ્રેમ, તેમના પવિત્ર મિલન અને સાથે વિતાવેલી સફરને દર્શાવવામાં આવી છે. મોટા ભાગના લોકોને આ ગીત ગમ્યું છે, પણ કેટલાક લોકોને આ ગીતનું સંગીત કવ્વાલી જેવું લાગે છે અને તેઓ સોશ્યલ મીડિયામાં આ વાતની ટીકા કરી રહ્યા છે અને આ ગીતની રિધમ જેવી જ કવ્વાલીની રિધમની સરખામણી કરતી ક્લિપ ચર્ચાસ્પદ બની છે.