ભગત સિંહ બનશે રાજકુમાર રાવ?

એવું જાણવા મળ્યું છે કે રાજકુમાર આ પ્રોજેક્ટ અને ક્રાન્તિકારી નેતાનો રોલ કરવા માટે ઉત્સુક છે

રાજકુમાર રાવ

નેતાજી સુભાષ ચન્દ્ર બોઝનો રોલ કર્યા બાદ રાજકુમાર રાવ હવે શહીદ ભગત સિંહના રોલમાં દેખાશે એવું જાણવા મળ્યું છે. ૨૦૧૭માં મિની સિરીઝ ‘બોઝ : ડેડ ઓર અલાઇવ’માં રાજકુમારના પર્ફોર્મન્સની ખૂબ પ્રશંસા કરવામાં આવી હતી અને તેને અનેક ડિજિટલ અવૉર્ડ્સ પણ મળ્યા હતા. હવે છ વર્ષ બાદ તે વધુ એક મહાન હસ્તીને સાકાર કરવાનો છે. એવું જાણવા મળ્યું છે કે રાજકુમાર આ પ્રોજેક્ટ અને ક્રાન્તિકારી નેતાનો રોલ કરવા માટે ઉત્સુક છે. રાઇટર્સ આ પ્રોજેક્ટ માટે ભગત સિંહની લાઇફ પર રિસર્ચ કરી રહ્યા છે. સ્ક્રિપ્ટ ડેવલપમેન્ટ પ્રોસેસમાં રાજકુમાર પણ સક્રિય ભાગ લઈ રહ્યો છે. ટીમની ઇચ્છા છે કે આ પ્રોજેક્ટમાં એ વસ્તુ પર પ્રકાશ પાડવામાં આવે જેનાથી લોકો અજાણ હોય. ટીમ એની સ્ટોરીને લૉન્ગ ફૉર્મેટમાં દેખાડવા માગે છે. આ પ્રોજેક્ટ શરૂઆતના સ્ટેજમાં છે અને હજી એના રાઇટિંગમાં ૬થી ૮ મહિના લાગશે. હજી સુધી રાજકુમાર તરફથી કે મેકર્સ તરફથી કોઈ સત્તાવાર જાહેરાત નથી કરવામાં આવી.