03 December, 2020 03:35 PM IST | Mumbai | Gujarati Mid-day Correspondent
રાહુલ રૉય
રાહુલ રૉયને હાલમાં જ બ્રેઇન સ્ટ્રોક આવ્યા બાદ તેની તબિયતમાં ધીમે-ધીમે સુધારો આવી રહ્યો છે. તેના બનેવી રોમિર સેને જણાવ્યું હતું કે તેમને દુઆની જરૂર છે. રાહુલ રૉય કારગિલમાં માઇનસ 12 ડિગ્રીમાં ફિલ્મનું શૂટિંગ કરી રહ્યો હતો. એ વખતે બ્રેઇન સ્ટ્રોકનો હુમલો થતાં તેને વહેલાસર મુંબઈની નાણાવટી હૉસ્પિટલમાં દાખલ કરવામાં આવ્યો છે. તેની હેલ્થ વિશે માહિતી આપતાં રોમિર સેને કહ્યું હતું કે ‘રાહુલના ચહેરાના જમણા ભાગ પર અસર પડી છે. સાથે જ જમણો હાથ પણ નબળો પડી ગયો છે. બ્રેઇન સ્ટ્રોકને કારણે તેને અફેઝિયા નામની બીમારી થઈ છે. એને કારણે તેને બોલવામાં તકલીફ પડી રહી છે. તે યોગ્ય રીતે વાક્યો બોલી નથી શકતો. તે ધીમે-ધીમે રિકવર કરી રહ્યો છે. ડૉક્ટર્સ જે ટ્રીટમેન્ટ આપી રહ્યા છે એની સકારાત્મક અસર દેખાઈ રહી છે. તેઓ જલદી જ આ સંકટની ઘડીમાંથી બહાર આવી જશે. હાલમાં તેમને દુઆની જરૂર છે.’