પુલકિત સમ્રાટ અને ક્રિતી ખરબંદા જોવા મળશે સલમાનની ફિલ્મમાં

પુલકિત સમ્રાટ અને ક્રિતી ખરબંદા જોવા મળશે સલમાનની ફિલ્મમાં

સલમાન ખાનની ફિલ્મ ‘બુલબુલ મૅરેજ હૉલ’માં પુલકિત સમ્રાટ અને ક્રિતી ખરબંદા જોવા મળશે. આ ફિલ્મનું શૂટિંગ એપ્રિલમાં થવાનું હતું. જોકે હાલમાં લૉકડાઉનને કારણે ફિલ્મનું શૂટિંગ શરૂ થઈ શક્યું નથી. આ ફિલ્મમાં ભારતીય પરંપરાને દેખાડવામાં આવશે અને એમાં પણ ખાસ કરીને લખનઉની. ફિલ્મમાં સુનીલ ગ્રોવર અને ડેઇઝી શાહ પણ અગત્યના રોલમાં જોવા મળશે. સુનીલ ગ્રોવર અને પુલકિત બન્ને ભાઈની ભૂમિકામાં દેખાશે. આ ફિલ્મને સલમાન પ્રોડ્યુસ અને રોહિત નૈયર ડિરેક્ટ કરશે. પુલકિત અને ક્રિતીએ ‘પાગલપંતી’માં સાથે કામ કર્યું હતું. તેમની જોડીને ખૂબ જ પસંદ કરવામાં આવી હતી અને એ ફિલ્મ દ્વારા તેઓ એકમેકના પ્રેમમાં પણ પડ્યાં હતાં. હાલમાં તેઓ લિવ-ઇન રિલેશનશિપમાં રહે છે. તેમની ઑફસ્ક્રીન કેમિસ્ટ્રી ફરી પડદા પર જોવા મળશે.