પ્રિયંકા ચોપરાએ બતાવી દિકરીની પહેલી ઝલક,100 દિવસ બાદ હોસ્પિટલમાંથી દિકરીને લાવી ઘરે

અભિનેત્રીએ મધર્સ ડે પર પોતાની પુત્રી માલતીને હોસ્પિટલમાંથી પહેલી વાર ઘરે લઈ આવી છે. નિક અને પ્રિયંકા ચોપરાની દિકરીનો  પ્રિ-મેચ્યોર જન્મ થયો હતો, તેથી તેણીને NICU(નિયો નેટલ ઈંટેસિવ કેઅર યુનિટ)માં આશરે 100 દિવસ રાખવામાં આવી હતી.

પ્રિયંકા ચોપરા અને નિક જોનાસ દિકરી માલતી સાથે (તસવીર: ઈન્સ્ટાગ્રામ)

મુંબઈ: પ્રિયંકા ચોપરા (Priyanka Chopra)અને નિક જોનાસ માટે આ મધર્સ ડે ખુબ જ યાદગાર રહ્યો છે. હકીકતે અભિનેત્રીએ આ દિવસે પોતાની પુત્રી માલતીને હોસ્પિટલમાંથી પહેલી વાર ઘરે લઈ આવી છે. નિક અને પ્રિયંકા ચોપરાની દિકરીનો પ્રિ-મેચ્યોર જન્મ થયો હતો, તેથી તેણીને NICU(નિયો નેટલ ઈંટેસિવ કેઅર યુનિટ)માં આશરે 100 દિવસ રાખવામાં આવી હતી. દિકરીને હોસ્પિટલમાંથી ઘરે લાવ્યા બાદ પ્રિયંકા ચોપરાએ ઈન્સ્ટાગ્રામ પર પુત્રી સાથે પહેલી તસવીર શેર કરી છે. 

આ તસવીરમાં પ્રિયંકા પોતાની દિકરી માલતીને ભેટતી જોવા મળી રહી છે અને નિક જોનાસ તેણીનો હાથ પકડતાં દેખાઈ રહ્યાં છે. પરંતુ અભિનેત્રીએ પુત્રીનો ચહેરો બતાવ્યો નથી. પ્રિયંકા ચોપરાએ મધર્સ ડે પર આ તસવીર શેર કરતાં એક લાંબી પોસ્ટ લખી છે, જેમાં તેણીએ મા બન્યા બાદ તેના જીવનમાં આવેલા ઉતાર-ચઢાવનો પણ ઉલ્લેખ કર્યો છે. 

પ્રિયંકાએ લખ્યું, `આ મધર્સ ડે પર અમે કહેવા માંગીએ છીએ કે છેલ્લા કેટલાક મહિના અમારા માટે રોલર કોસ્ટર રાઈડ જેવા રહ્યા છે. 100 દિવસ પછી અમારી દીકરી આખરે NICU (નિયો નેટલ ઇન્ટેન્સિવ કેર યુનિટ)માંથી ઘરે છે. દરેક પરિવારની યાત્રા અનોખી હોય છે અને છેલ્લા કેટલાક મહિના અમારા માટે ખૂબ જ પડકારજનક રહ્યા છે. મારા જીવનની તમામ માતાઓ અને સંભાળ રાખનારાઓને મધર્સ ડેની શુભેચ્છા. તમે બધાએ આ સફરને સરળ બનાવી છે. મને માતા બનાવવા બદલ નિક જોનાસનો આભાર.`

નિક જોનાસે પણ પ્રિંયકા અને પુત્રીની આ તસવીર ઈન્સ્ટાગ્રામ પર શેર કરી છે, અને સાથે કેપ્શનમાં લખ્યું છે કે, "મારી ઈનક્રેડિબલ પત્ની પ્રિયંકાને પહેલા મર્ધસ ડેની શુભેચ્છા. બેબ તું મને દરેક રીતે પ્રેરણા પુરી પાડે છે, તે આ નવા રોલને સહેજતાથી અપનાવી લીધો છે. આ સફર માટે તારો આભારી છું. તું એક સારી માતા છે. હેપી મધર્સ ડે, આઈ લવ યુ." ઉલ્લેખનીય છે કે નિક અને પ્રિયંકાએ આ વર્ષે જાન્યુઆરીમાં ખુલાસો કર્યો હતો કેતે સરોગસી દ્વારા માતા-પિતા બનશે. બંનેએ વર્ષ 2018માં લગ્ન કર્યા હતાં.