29 September, 2020 01:11 PM IST | Mumbai | Gujarati Mid-day Correspondent
લતા મંગેશકર અને નરેન્દ્ર મોદી (ફાઈલ તસવીર)
નરેન્દ્ર મોદીએ ગઈ કાલે ફોન કરીને લતા મંગેશકરને જન્મદિવસની શુભેચ્છા પાઠવી હતી. તેઓ ગઈ કાલે ૯૧ વર્ષનાં થયાં હતાં. પચાસ વર્ષથી પણ વધુના સમય માટે લતા મંગેશકરે ફિલ્મ ઇન્ડસ્ટ્રીમાં રાજ કર્યું હતું. તેમને અગણિત અવૉર્ડ્સ મળ્યા છે જેમાં ભારત રત્નનો પણ સમાવેશ થાય છે. તેમને ફોન કરીને શુભેચ્છા પાઠવ્યા બાદ નરેન્દ્ર મોદીએ ટ્વીટ કર્યું હતું કે ‘મેં માનનીય લતાદીદી સાથે વાત કરી અને તેમને જન્મદિવસની શુભેચ્છા પાઠવી હતી. તેમના હેલ્ધી અને લાંબા જીવન માટે પ્રાર્થના કરું છું. તેઓ ભારતના ઘર-ઘરમાં જાણીતું નામ છે. તેમના આશીર્વાદ મને હંમેશાં મળતા હોવાથી હું પોતાને ખૂબ જ નસીબદાર માનુ છું.’