26 September, 2019 07:52 PM IST | મુંબઈ(એન્ટરટેઈન્મેન્ટ ડેસ્ક)
લાખોના હીરા અને ક્રિસ્ટલથી સજેલો સૂટ પહેરે છે આ કલાકાર...
તાજેતરમાં આપણે ત્યારે IIFA અવૉર્ડસ યોજાઈ ગયા. જેમાં રણવીર સિંહ સૌ કોઈના આકર્ષણનું કેન્દ્ર બન્યા. જેનું કારણ હતું તેનો સૂટ. રણવીરની વાત એટલે નીકળી કારણ કે તેના જેવી જ અજીબોગરીબ ફેશન સેન્સ છે અમેરિકાના એક્ટર બિલી પોર્ટરની. વિશ્વાસ ન આવતો હોય તો તેની સોશિયલ મીડિયા પોસ્ટ જોઈ લો.
બિલી પોર્ટરને હાલમાં જ 71માં પ્રાઈમટાઈમ એમી અવૉર્ડ્સમાં બેસ્ટ એક્ટર ઈન ડ્રામાનો પુરસ્કાર મળ્યો છે. આ પુરસ્કાર તેને ફિલ્મ પોઝમાં તેની દમદાર ભૂમિકા માટે આપવામાં આવ્યો. આ અવૉર્ડ જીતનાર બિલી પહેલા સમલૈંગિક અને અશ્વેત વ્યક્તિ છે. જો કે, મુદ્દો એ નથી. અમે વાત કરી રહ્યા હતા તેની ફેશન સેન્સની. એમી અવૉર્ડ્સ દરમિયાન બિલીએ જે સૂટ પહેર્યો હતો તેને જોઈને તમામ લોકો ચોંકી ગયા હતા. કારણ કે તેના સૂટને લાખોની કિંમતના ડાયમંડ અને ક્રિસ્ટલ્સથી સજાવવામાં આવ્યો હતો.
અહેવાલો પ્રમાણે બિલીએ જે સૂટ પહેર્યો હતો તેમાં 51, 07, 392 રૂપિયાના હીરા જડવામાં આવ્યા હતા. જ્યારે 1, 30, 000ના ક્રિસ્ટલ્સથી સજાવવામાં આવ્યું હતું. તમે કલ્પના કરી શકો છો કે તેને જોવા વાળાની શું હાલત થઈ હશે. આ સૂટને તૈયાર કરવામાં 170 કલાકનો સમય લાગ્યો હતો.
હોલીવુડ રિપોર્ટર પ્રમાણે બિલીનો આ સૂટ લક્ઝરી બ્રાન્ડ માઈકલ કોર્સે તૈયાર કર્યો છે. કંપનીએ પોતાના એક નિવેદનમાં કહ્યું કે, અમે બિલીના ઘરે પહોંચ્યા અને અમે તેમને પુછ્યું કે શું તેઓ એમી અવૉર્ડસ માટે અમારી સાથે જોડાવા માંગશે. અમે 70ના દાયકાનો ડિસ્કો વાળો લૂક આપવા માંગતા હતા.
નખ પર હતા ક્રિસ્ટલ્સ
બિલીએ ન માત્ર ખાસ સૂટ પહેર્યો હતો. પરંતુ તેના માટે ખાસ ડિઝાઈન કરેલી હેટ અને હીલ્સ પહેર્યા હતા. એટલું જ નહીં બિલીના નખ પર પણ ક્રિસ્ટલ્સ લગાવેલા હતા.
આ પણ જુઓઃ Vogue Beauty Awards: જુઓ બૉલીવુડ અભિનેત્રીઓનો ગ્લેમરસ અંદાજ
બિલી ફેશનના મામલે પ્રયોગો કરવા માટે જાણીતા છે. તેઓ કાંઈક એવું કરે છે જેનાથી તે અન્ય લોકોથી અલગ દેખાય.