05 September, 2020 07:41 PM IST | Mumbai | Gujarati Mid-day Correspondent
શમિતા શેટ્ટી
ZEE5ની ‘બ્લૅક વિડોઝ’માં મોના સિંહ, સ્વસ્તિકા મુખરજી અને શમિતા શેટ્ટી જોવા મળવાની છે. આ સિરીઝનું શૂટિંગ તમામ સાવધાની રાખીને કલકત્તામાં ચાલી રહ્યું છે. ૧૨ એપિસોડની આ સિરીઝ બનાવવા માટે ZEE5એ લંડનના NENT સ્ટુડિયો સાથે ડીલ કરી છે, જે આ જ નામથી અગાઉ બનાવવામાં આવી હતી. બિરસા દાસગુપ્તાના ડિરેક્શનમાં બની રહેલા આ શોમાં શરદ કેળકર, રાયમા સેન, પરમબ્રત ચટ્ટોપાધ્યાય, આમિર અલી અને સબ્યસાચી ચક્રવર્તી પણ જોવા મળશે. સિરીઝની આ સ્ટોરી ત્રણ બેસ્ટ ફ્રેન્ડ્સની છે જે પોતાના હસબન્ડને મારવાનો પ્રયાસ કરે છે. શો વિશે મોના સિંહે કહ્યું હતું કે ‘કાસ્ટ અદ્ભુત છે. બિરસા ખૂબ જ સરસ રીતે કામ કરે છે જે સ્ટોરીને જકડી રાખવાની સાથે જ અમને અમારા રોલ્સને સારી રીતે ભજવવાની પણ સ્વતંત્રતા આપે છે. દર્શકોને આ શો દેખાડવા માટે હું ખૂબ આતુર છું.’