16 May, 2020 07:31 PM IST | Mumbai | Gujarati Mid-day Correspondent
મોહિત રૈનાએ જણાવ્યું હતું કે તેને ઇરફાન સાથે વિશાલ ભારદ્વાજની ફિલ્મમાં કામ કરવાની તક મળી હતી. જોકે ઇરફાને પોતાની બીમારીને કારણે એ ફિલ્મ છોડી દીધી હતી. ઇરફાનનું 29 એપ્રિલે અવસાન થયું હતું. ઇરફાન સાથેની ફિલ્મ વિશે મોહિત રૈનાએ કહ્યું હતું કે ‘ઇરફાન સરની બીમારીનું નિદાન થયું એ પહેલાં એક પ્રોજેક્ટમાં અમે બન્ને સાથે કામ કરવાના હતા. હું આ ફિલ્મને લઈને ખૂબ ઉત્સાહિત હતો. એ વિશાલ ભારદ્વાજની ફીચર ફિલ્મ હતી. ત્યાર બાદ તેમની બીમારીની વાત પ્રકાશમાં આવી હતી. વિશાલ ભારદ્વાજે પણ નક્કી કર્યું હતું કે તેઓ ફિલ્મ તેમની સાથે જ બનાવશે. એથી તેમણે આ પ્રોજેક્ટને હોલ્ડ પર રાખ્યો હતો. હું તેમની સાથે કામ કરવા માટે ખૂબ ઉત્સાહિત હતો, પરંતુ કમનસીબે એ ફિલ્મ બની શકી નહીં. હું એ વાતને લઈને ખૂબ આશાવાદી હતો કે સ્થિતિ સુધરી જશે તો અમે સાથે કામ કરીશું.’