13 July, 2019 12:04 PM IST | મુંબઈ
ઝૈન કપૂર
શાહિદ કપૂરની ફિલ્મ કબીર સિંહની ચર્ચા ચારે તરફ છે. પરંતુ હાલ તો શાહિદ જ નહીં તેનો દીકરો ઝૈન પણ લોકોને ખૂબ જ પસંદ આવી રહ્યો છે. મીરા કપૂરે પોતાના આધિકારીક ઈન્સ્ટાગ્રામ અકાઉન્ટ પરથી દીકરા ઝૈનનો એક ખૂબ જ ક્યૂટ ફોટો શેર કર્યો છે. જે સોશિયલ મીડિયા પર ખૂબ જ વાયરલ થઈ રહ્યો છે.
મીરા કપૂર સોશિયલ મીડિયા પર ખૂબ જ એક્ટિવ છે અને ઘણીવાર પોતાના બાળકોની તસવીરો શેર કરતી રહે છે. આ પહેલા પણ મીરા અનેક વાર ઝૈન અને મીશાના ફોટોસ પોસ્ટ કરી ચુકી છે. ઝૈન માત્ર કેટલાક મહિનાઓનો જ છે. પરંતુ તેનો ફોટો જોઈને લાગી રહ્યું છે કે તે ખૂબ જ કેમેરા ફ્રેન્ડલી છે. ઈન્સ્ટા પર વાયરલ થઈ રહેલી તસવીરમાં ઝૈને એક સફેદ ટી- શર્ટ પહેર્યું છે અને પોતાના લાંબા વાળોમાં હેરબેન્ડ લગાવેલી છે. ફોટોની ખાસ વાત એ છે કે ઝૈનની નજર કેમેરા તરફ જ છે.
ઝૈનની આ તસવીર મુકીને મીરાએ કેપ્શન આપ્યું છે કે, 'મમ્મા, તમારું આ મળી ગયું.' ફોટો શેર કરતાની સાથે જ તેના પર લાઈક્સ અને કમેન્ટ્સ આવવા લાગી. શાહિદની માતા નીલિમા અઝીમે કમેન્ટ કરતા લખ્યું કે, 'મેરી જાન બાબૂશા'. સાથે જ કિયારા અડવાણીએ પણ ઈમોજીથી પોસ્ટ પર કમેન્ટ કરી છે.
આ પણ જુઓઃ પોતાની ક્યૂટ સ્માઈલથી લોકોના દિલ જીતી લે છે 'બસ ચા સુધી' ફેમ જીનલ બેલાણી
કેટલાક દિવસો પહેલા મીરાએ ઝૈન અને મીશાનો સમુદ્ર કિનારાથી આ ફોટો પોસ્ટ કર્યો હતો.