01 February, 2026 10:52 AM IST | Mumbai | Gujarati Mid-day Correspondent
ફિલ્મનું પોસ્ટર
રાની મુખરજીને શિવાની શિવાજી રૉય તરીકે ચમકાવતી ‘મર્દાની 3’ રિલીઝ થઈ ગઈ છે. ‘મર્દાની 3’નું કુલ બજેટ લગભગ ૭૫ કરોડ રૂપિયા છે અને આ ફિલ્મ માત્ર એની કથાને લીધે નહીં, સ્ટારકાસ્ટને મળેલી ફીને લઈને પણ ચર્ચામાં છે.
મીડિયા રિપોર્ટ્સ પ્રમાણે રાનીએ ‘મર્દાની 3’માં શિવાની શિવાજી રૉયનો રોલ નિભાવવાના બદલામાં સૌથી વધુ અંદાજે ૭ કરોડ રૂપિયા ચાર્જ કર્યા છે. આ ફિલ્મમાં મલ્લિકા પ્રસાદે ભજવેલા
‘અમ્મા’ના નેગેટિવ પાત્રની બહુ ચર્ચા થઈ રહી છે અને મળતી માહિતી પ્રમાણે આ રોલ કરવા માટે તેને ફી તરીકે ૫૦ લાખ રૂપિયા મળ્યા છે. ગુજરાતી ઍક્ટ્રેસ જાનકી બોડીવાલાએ ‘મર્દાની 3’માં મહત્ત્વપૂર્ણ ભૂમિકા ભજવી છે અને આ ફિલ્મ માટે મેકર્સે તેને અંદાજે એક કરોડ રૂપિયા આપ્યા હોવાની ચર્ચા છે.
