02 May, 2020 12:29 PM IST | Mumbai | Gujarati Mid-day Online Correspondent
ફાઈલ તસવીર
અભિનેતા ઋષિ કપૂર તેના અંતિમ સમયે આઈસીયુમા હતા ત્યારનો એક વિડિયો લીક થયો છે અને અત્યરે સોશ્યલ મિડિયા પર બહુ જ ફરી રહ્યો છે. આંતિમ સમયે તેઓ જીવન સાથેની લડત લડી રહ્યાં હતા ત્યારનો આ વિડિયો છે. આ વિડિયો હૉસ્પિટલના આઈસીયુના સ્ટાફે લીધો હોય તેવુ લાગી રહ્યું છે. સોશ્યલ મિડિયા પર વાયરલ થયેલા આ વિડિયો પર બોલીવુડ ભડકી ગયું છે. અર્જુન કપુર, કરણ વાહી, મિનિ માથુર વગેરે સેલેબ્ઝે હૉસ્પિટલની બેદરકારીની ટીકા કરી છે.
અર્જુન કપૂરે વિશેષ આ વિડિયોનો ઉલ્લેખ કર્યા વગર સોશ્યલ ઈન્સ્ટાગ્રામની સ્ટોરીમાં લખ્યું હતું કે, કંઈક પોસ્ટ ન કરવાનું પસંદ કરવું એ પણ એટલું જ મહત્વનું છે જેટલું કંઈક વસ્તુ પહેલાં પોસ્ટ કરવાનું. ફોટોમાં ઘણી તાકાત હોય છે જે આપણે ભુલી જઈએ છીએ. કેટલીકવાર માનવતા અને સહાનુભૂતિની દૃષ્ટિએ પણ કંઈક પોસ્ટ ન કરવું જોઈએ.
અભિનેતા કરણ વાહીએ કહ્યું હતું કે, મને પણ આ વિડિયો શોશ્યલ મિડિયા પર આવ્યો હતો અને મે તેને આગળ ફોરવર્ડ કરવાને બદલે તાત્કાલિક ડિલિટ કરી દીધો હતો. ઋષિ કપૂરનું નિધન થયું તેની થોડીક ક્ષણો પહેલાનો આ વિડિયો વોર્ડ બોય કે હૉસ્પિટલના સ્ટાફે લીધો હોય તેવું લાગે છે. આ કોઈપણ વ્યક્તિના ખાનગી જીવનનું ઉલ્લંધન છે. જો તમને પણ આવો વિડિયો આવ્યો હોય તો તેને ફોરવર્ડ કરવા કરતા ડિલીટ કરી દો. અભિનેતાઓ પણ માણસ જ છે. આવું કંઈ જ પોસ્ટ ન કરો. તેમનું સન્માન અને આદર કરો.
અભિનેત્રી-એન્કર મિનિ માથુરે લોકોને અસંવેદનશીલ ન થવાની વિનંતી કરી હતી અને ટ્વીટ કર્યું હતું કે, તાજેતરમાં જ વોટ્સએપ પર ઋષિ સરનો હૉસ્પિટલનો એક ધૃણાસ્પદ અને આક્રમક વિડિયો 'લાસ્ટ વિડિયો ઓફ આરકે'ના નામે વાયરલ થયો છે. સ્વભાવિક વાત છે કે તે હૉસ્પિટલના સ્ટાફ દ્વારા જ રેકોર્ડ કરાયો હશે. હું જાણું છું કે અત્યારે માનવતા જેવું કંઈ છે નહીં પણ આપણે આ અવિરતતામાં ભાગ લેવા કરતા તેને રોકી ન શકીએ?
આ ટ્વીટમાં મિનિએ મુંબઈ પોલીસને ટેગ કરીને આરોપી વિરુધ્ધ પગલા લેવાની વિનંતી કરી છે.
ઋષિ કપૂરે અંતિમ શ્વસા એચએન રિલાયન્સ હૉસ્પિટલમાં લીધા હતા. 2018થી તેઓ કેન્સરથી પિડાતા હતા.