13 July, 2019 05:14 PM IST | મુંબઈ
કુછ કુછ હોતા હેૈ
ઑસ્ટ્રેલિયાનાં મેલબર્નમાં આયોજિત થનાર દસમા ઇન્ડિયન ફિલ્મ ફેસ્ટિવલ ઑફ મેલબર્નમાં ‘કુછ કુછ હોતા હૈ’ની સ્પેશ્યલ સ્ક્રીનિંગ થવાની છે. શાહરુખ ખાન, રાની મુખરજી અને કાજોલની આ ફિલ્મ ૧૯૯૮ની ૧૬ ઑક્ટોબરે રિલીઝ થઈ હતી. આ ફિલ્મને કરણ જોહરે ડિરેક્ટ કરી હતી.
આ પણ વાંચો : Rathyatra: રાજકોટમાં પણ નગરચર્યાએ નીકળ્યા નાથ, આવો રહ્યો રંગારંગ માહોલ
૮ ઑગસ્ટથી શરૂ થનાર ઇન્ડિયન ફિલ્મ ફેસ્ટિવલ ઑફ મેલબર્ન ૧૭ ઑગસ્ટ સુધી ચાલશે. આ ફેસ્ટિવલમાં કરણ જોહર ઑસ્ટ્રેલિયાની ઑડિયન્સ સાથે ફિલ્મો વિશે ચર્ચા કરશે. શાહરુખ ખાન આ ફેસ્ટિવલમાં ચીફ ગૅસ્ટ તરીકે હાજરી આપશે. આ ફિલ્મ વિશે કરણ જોહરે કહ્યું હતું કે ‘મારી ૨૦ વર્ષની આ જર્ની, સ્ટોરી કહેવા માટે અત્યાર સુધીનો મેં જે સમય પસાર કર્યો અને સ્ટોરી કહેવાની મારી પાસે જે સ્વતંત્રતા છે એ બધા માટે આ એક રિવૉર્ડ સમાન છે. ફિલ્મ મેકિંગ મારો પૅશન છે. સિનેમા પ્રતિ મને ભરપૂર પ્રેમ છે અને ફિલ્મ ઇન્ડસ્ટ્રીમાં બે દાયકા પસાર કરવા મારા માટે ખૂબ સંતોષજનક રહ્યાં છે. આ ફેસ્ટિવલમાં મેં પહેલા પણ હાજરી આપી છે અને મને અહીં આવવું ગમે છે. ઇન્ડિયન સિનેમાને સેલિબ્રેટ કરવાની મને આ તક મળતાં હું ખૂબ જ ઉત્સાહિત છું.’