વધુ એક નવા ડિરેક્ટર સાથે કામ કરશે કાર્તિક?

કબીર ખાન બાદ તે વિશાલ ભારદ્વાજ સાથે પહેલી વાર કામ કરશે એવી ચર્ચા છે

કાર્તિક આર્યન

કાર્તિક આર્યન હવે વિશાલ ભારદ્વાજ સાથે થ્રિલરમાં કામ કરવાનો હોવાની ચર્ચા છે. ‘ભૂલ ભુલૈયા 2’ની સફળતા બાદ કાર્તિકને ઘણા નવા-નવા મેકર્સ અપ્રોચ કરી રહ્યા હતા. એમાં કબીર ખાન પણ છે જેની સાથે તે ‘ચંદુ ચૅમ્પિયન’ લઈને આવી રહ્યો છે. તે હવે વધુ એક નવા ડિરેક્ટર સાથે અને એ પણ નૅશનલ અવૉર્ડ મેળવનાર ડિરેક્ટર સાથે કામ કરશે એવી ચર્ચા છે. આ એક થ્રિલર ફિલ્મ છે અને એનું શૂટિંગ જૂન પછી શરૂ કરવામાં આવશે એવી ચર્ચા છે. કાર્તિક હાલમાં ‘ભૂલ ભુલૈયા 3’નું શૂટિંગ કરી રહ્યો છે. આ ફિલ્મનું શૂટિંગ પૂરું થયા બાદ તે ‘ચંદુ ચૅમ્પિયન’નું પ્રમોશન કરશે, જે ૧૪ જૂને રિલીઝ થઈ રહી છે. આ ફિલ્મની રિલીઝ બાદ તે નવી ફિલ્મ શરૂ કરશે. વિશાલ ભારદ્વાજ સાથેની ફિલ્મ આવતા વર્ષે રિલીઝ કરવામાં આવશે એવી ચર્ચા છે.