22 July, 2019 02:54 PM IST | મુંબઈ
જેક્લિન ફર્નાન્ડિઝ (File Photo)
બોલીવુડના દબંગ ખાન એટલે કે સલમાન ખાન સાથે ફિલ્મ કિકથી બોલીવુડમાં પોતાની ઓળખ બનાવનાર જેકલિન ફર્નાન્ડિઝ સોશિલ મીડિયા પર ખૂબ જ એક્ટિવ રહે છે. તાજેતરમાં જ જૈકલીનનો વીડિયો સોશિયલ મીડિયા પર વાઈરલ થયો છે. આ વીડિયોમાં જેકલીન ફર્નાન્ડિઝ રેડ કલરની સાડીમા સુંદર દેખાઈ રહી છે. હાલ જેકલીન ફર્નાન્ડિઝ ગુજરાતની મુલાકાતે છે, જ્યાં તે ફેન્સ સાથે મુલાકાત કરી રહી છે. આ મુલાકાત દરમિયાન વચ્ચે થોડો સમય કાઢીને જૈકલીને એક બીટ પર એવો ડાન્સ કર્યો કે તેમનો વીડિયો સોશિયલ મીડિયા પર વાઈરલ થઈ ગયો.
સોશિયલ મીડિયા પર વાઈરલ થયેલા આ વીડિયોમાં એક્સપ્રેશન ક્વીન જેકલીન ફર્નાન્ડિઝ બીટ પર પોતાની ડાન્સિંગ સ્કિલ બતાવી રહી છે. ફેન્સ જેકલીનના આ વીડિયોને ખૂબ જ પસંદ કરી રહ્યા છે, સાથે સાથે સાથે જેકલીનના વીડિયો પર કમેન્ટ પણ કરી રહ્યા છે. વાઈરલ થયેલા આ વીડિયોમાં જેકલીન ફર્નાન્ડિસે લાલ રંગની ફ્લોરલ સાડી પહેલી છે, જેના પર જ્વેલરીમાં તે ખૂબ જ ગોર્જિયસ લાગી રહી છે. જેકલીન ફર્નાન્ડિઝના આ વીડિયો પર ઉર્વશી રૌતેલાએ પણ કમેન્ટ કરી છે. ઉર્વશી રૌતેલાએ લખ્યું,'એન્જલ ઈન રેડ'
બોલીવુડ એક્ટ્રેસ જેકલીન ફર્નાન્ડિઝે ફિલ્મ અલાદીનથી બોલીવુડમાં ડેબ્યુ કર્યો હતો. આ ફિલ્મમાં તેની સાથે રિતેશ દેશમુખ લીડ રોલમાં હતા. જો કે જેક્લિનની સૌથી પહેલી હિટ ફિલ્મ કિક હતી. આ ફિલ્મમાં જેકલીનની એક્ટિંગના ખૂબ વખાણ થયા હતા. હવે જેક્લિન ફર્નાન્ડિઝ સુશાંતસિંહ રાજપૂત સાથે ફિલ્મ ડ્રાઈવમાં દેખાશે.