હેર-ટ્રાન્સપ્લાન્ટ માટે બોની કપૂરે પૈસા નહોતા આપ્યા, સામેથી મળ્યા હતા

કૉફી વિથ કરણની નવમી સીઝનમાં જાહ્‌નવી કપૂર અને અર્જુન કપૂરે કર્યો ખુલાસો

બોની કપૂરના હેર ટ્રાન્સપ્લાન્ટનો ખુલાસો

હાલમાં ‘કૉફી વિથ કરણ’ની નવમી સીઝનમાં જાહ્‌નવી કપૂર અને અર્જુન કપૂરે હાજરી આપી હતી. આ શોમાં રૅપિડ ફાયર રાઉન્ડ દરમ્યાન તેમણે પપ્પા બોની કપૂર વિશે ખુલાસો કર્યો હતો કે તેમના પપ્પાએ હેર-ટ્રાન્સપ્લાન્ટ માટે પૈસા નહોતા આપ્યા પણ તેમને આ માટે સામેથી પૈસા મળ્યા છે. જાહ્‌નવી અને અર્જુનના પપ્પા અને પ્રોડ્યુસર બોની કપૂરે ૨૦૨૪માં હેર-ટ્રાન્સપ્લાન્ટ કરાવ્યું હતું, ત્યાર બાદ તેમના બદલાયેલા લુકની ખૂબ ચર્ચા થઈ હતી. નવા લુકને કારણે બોની કપૂરે સૌનું ધ્યાન ખેંચ્યું હતું. બોની કપૂરના હેર-ટ્રાન્સપ્લાન્ટ વિશે વાત કરતાં જાહ્‌નવીએ ખુલાસો કર્યો હતો કે એક બ્રૅન્ડ સાથેના કરાર હેઠળ તેના પપ્પાને હેર-ટ્રાન્સપ્લાન્ટ કરાવવાની ઑફર મળી હતી એટલું જ નહીં, આ માટે તેમણે કોઈ પૈસા ચૂકવવા પડ્યા નહોતા, ઊલટાના તેમને પૈસા આપવામાં આવ્યા હતા.