31 October, 2020 06:15 PM IST | Mumbai | Gujarati Mid-day Correspondent
તારા સુતરિયા
તારા સુતરિયા હવે ‘હીરોપંતી 2’માં ટાઇગર શ્રોફ સાથે જોવા મળવાની છે. આ ફિલ્મને અહમદ ખાન ડિરેક્ટ કરશે. સાજિદ નડિયાદવાલા દ્વારા પ્રોડ્યુસ કરવામાં આવી રહેલી આ ફિલ્મનું શૂટિંગ ડિસેમ્બરમાં શરૂ કરવામાં આવશે. તારા સુતરિયાએ ‘સ્ટુડન્ટ ઑફ ધ યર 2’ દ્વારા બૉલીવુડમાં એન્ટ્રી કરી હતી. તે હવે સુનીલ શેટ્ટીના દીકરા અહાન શેટ્ટી સાથે ‘RX100’માં પણ જોવા મળવાની છે. ટાઇગર શ્રોફ સાથેની ફિલ્મમાં કામ કરવાની તક મળતાં તારાએ ઇન્સ્ટાગ્રામ પર એક નોટ શૅર કરી હતી. એ નોટમાં લખ્યું હતું કે ‘મારા ફેવરિટ્સની સાથે હું ફરીથી કામ કરવાની છું. મારામાં વિશ્વાસ કરવા માટે સાજિદ સર તમારો આભાર. ‘હીરોપંતી 2’માં કામ કરવાના છીએ. મારા બર્થ-ડે મન્થની આનાથી વિશેષ શરૂઆત કોઈ ન હોઈ શકે.’
આ નોટને ઇન્સ્ટાગ્રામ પર શૅર કરીને તારાએ કૅપ્શન આપી હતી કે ‘આ ફિલ્મ માટે ખૂબ ઉત્સાહિત છું. નવી જર્નીની શરૂઆત કરી રહી છું.’