25 February, 2021 01:57 PM IST | Mumbai | Agencies
હું છેલ્લાં ૨૦ વર્ષથી કામ કરું છું : સલિલ અંકોલા
સલિલ અંકોલાએ જણાવ્યું છે કે તે છેલ્લાં ૨૦ વર્ષથી કામ કરે છે. તે ઍક્ટરની સાથે ક્રિકેટર પણ છે. તે સિનિયર સિલેક્શન કમિટી ઑફ મુંબઈ ક્રિકેટ અસોસિએશનનો ચૅરમૅન છે. તેણે મહેશ માંજરેકરની ‘ધ પાવર’માં કામ કર્યું હતું. ડિજિટલ પ્લૅટફૉર્મ પર આ વર્ષે ૧૪ જાન્યુઆરીએ રિલીઝ થયેલી આ ફિલ્મમાં વિદ્યુત જામવાલ અને શ્રુતિ હાસન લીડ રોલમાં હતાં. સલિલે ટેલિવિઝનથી પોતાની કરીઅરની શરૂઆત કરી હતી. જોકે તે આખા વર્ષ દરમ્યાન વ્યસ્ત રહે છે એવું જણાવતાં સલિલે કહ્યું હતું કે ‘હું ફિલ્મોમાં કમબૅક નથી કરી રહ્યો. હું તો ૨૦ વર્ષથી ઍક્ટિંગ કરી રહ્યો છું. ૨૦ વર્ષથી હું સતત કામ કરી રહ્યો છું.’