08 May, 2020 08:25 PM IST | Mumbai | Gujarati Mid-day Correspondent
હૃતિક રોશન અને સૈફ અલી ખાને લોકોને સ્વેચ્છાએ આગળ આવીને કોરોનાની ટેસ્ટ કરવાની વિનંતી કરી છે. એ વિશે હૃતિકે કહ્યું હતું કે ‘કોઈ પણ લડાઈને જીતવા માટે પોતાના દુશ્મનને જાણવો જરૂરી છે. કોરોનાની આ મહામારીને હરાવવા માટે તો એક જવાબદાર ભારતીય બનીને એની ટેસ્ટ કરવી ખૂબ જરૂરી છે. ચાલો આ મૂવમેન્ટમાં સહભાગી થાઓ અને આપણા ફ્રન્ટલાઇન વર્કર્સને સપોર્ટ કરતાં સામે ચાલીને ટેસ્ટ કરાવો.’
તો બીજી તરફ આ બીમારી સાથે જોડાયેલા ભ્રમને દૂર કરવાનું જણાવતાં સૈફ અલી ખાને કહ્યું હતું કે ‘આપણે હાલમાં ખૂબ જ કપરા સમયમાંથી પસાર થઈ રહ્યા છીએ. આપણે પહેલાં કરતાં વધુ એકબીજા પર નિર્ભર છીએ. આપણે એકબીજાને સપોર્ટ કરવો જોઈએ અને એની સાથે જોડાયેલી ખોટી ધારણાને દૂર કરવી જોઈએ. આ આપણી નૈતિક જવાબદારી છે કે આપણે ટેસ્ટ કરાવીએ. હું દરેક ભારતીયને વિનંતી કરું છું કે તેઓ કોરોના પ્રતિ સજાગતા ફેલાવે. સાથે જ જો એવાં લક્ષણ પણ દેખાય તો તરત ચેકઅપ કરવામાં આવે. ટેસ્ટ કરાવીને તમે પોતાને, તમારી ફૅમિલીને અને સૌને સુરક્ષિત રાખી શકો છો.’