મુંબઈ પોલીસના જઝ્બાને સલામ કરી વરુણ ધવને

સ્થિતિને કાબૂમાં લેવા પોલીસ હંમેશાં અડીખમ રહે છે

વરુણ ધવન

હંમેશાં સેવા માટે તત્પર એવી મુંબઈ પોલીસના જોશની વરુણ ધવને પ્રશંસા કરી છે. વરુણ શનિવારે રાતે બહાર ગયો હતો અને એ વખતે વરુણે તેની કારમાંથી રસ્તા પર લાગેલી આગની ઘટનાની વિડિયો-ક્લિપ ઇન્સ્ટાસ્ટોરી પર શૅર કરી હતી. એ દરમ્યાન મુંબઈ પોલીસ સ્થિતિને કાબૂમાં લેવા માટે અડીખમ દેખાઈ હતી. રસ્તા પર લોકોની ભીડ પણ હતી. પોલીસ જે રીતે લોકોની સલામતીનું ધ્યાન રાખતી ફરજ બજાવી રહી હતી એ જોઈને વરુણ તેમનાં વખાણ કરી રહ્યો છે.

એ ક્લિપને ઇન્સ્ટાસ્ટોરી પર શૅર કરીને વરુણે લખ્યું કે ‘મુંબઈ નાઇટ્સ. મુંબઈ પોલીસ હંમેશાં ફરજ બજાવવા અને સ્થિતિને કાબૂમાં લેવા માટે અડીખમ ઊભી હોય છે એ જોઈને સારું લાગ્યું. સદનસીબે હું ત્યાંથી વહેલાસર નીકળી ગયો હતો.’