‘ફુકરે 3’માં હાજરી આપી ‘ફુકરે 4’ની હિન્ટ આપશે અલી ફઝલ?

આ ફિલ્મના પ્રોમોમાં કે ટ્રેલરમાં કે પ્રમોશનલ ઇવેન્ટમાં અલી જોવા નથી મળી રહ્યો

અલી ફઝલ

પુલકિત સમ્રાટ, વરુણ શર્મા, રિચા ચઢ્ઢા અને પંકજ ત્રિપાઠીની ‘ફુકરે 3’માં અલી ફઝલ મહેમાન ભૂમિકામાં જોવા મળશે. આ સિરીઝની ત્રીજી ફિલ્મમાં તે નથી, પરંતુ ચોથી ફિલ્મમાં તે જોવા મળશે એવી હિન્ટ તેણે આપી છે. આ ફિલ્મ સિરીઝમાં તેણે ઝફરનું પાત્ર ભજવ્યું છે. આ ફિલ્મને ફરહાન અખ્તર અને રિતેશ સિધવાણી દ્વારા પ્રોડ્યુસ અને મ્રિગદીપ સિંહ લામ્બા દ્વારા ડિરેક્ટ કરવામાં આવી છે. આ ફિલ્મના પ્રોમોમાં કે ટ્રેલરમાં કે પ્રમોશનલ ઇવેન્ટમાં અલી જોવા નથી મળી રહ્યો. જોકે એનો મતલબ એ નથી કે તે આ ફિલ્મમાં નથી. તે નાનકડી ભૂમિકામાં જોવા મળશે. ફિલ્મના એન્ડમાં તેની એન્ટ્રી થશે અને તેની એન્ટ્રી ચોથા પાર્ટની હિન્ટ હશે એવું કહેવામાં આવી રહ્યું છે. આ વિશે અત્યાર સુધી કોઈ પણ પ્રકારની જાહેરાત કરવામાં નથી આવી. અલી ફઝલ તેના પ્રોજેક્ટને લઈને વ્યસ્ત હોવાથી તે ત્રીજા પાર્ટમાં કામ નથી કરી રહ્યો. જોકે આ સિરીઝ તેના માટે ખૂબ જ મહત્ત્વની છે, કારણ કે એમાં તેની પત્ની પણ કામ કરી રહી છે.