‘સ્ટાઇલ’ના સાહિલ ખાન વિરુદ્ધ એફઆઇઆર દાખલ

મહિલાના વાંધાજનક ફોટો તેણે સોશ્યલ મીડિયામાં કર્યા હતા અપલોડ

સાહિલ ખાન

‘સ્ટાઇલ’ અને ‘એક્સક્યુઝ મી’માં જોવા મળેલા સાહિલ ખાન વિરુદ્ધ એક મહિલાએ ઓશિવરા પોલીસ સ્ટેશનમાં એફઆઇઆર દાખલ કર્યો છે. એ મહિલાનો આરોપ છે કે સાહિલે તેના વાંધાજનક ફોટો સોશ્યલ ​મીડિયામાં અપલોડ કર્યા હતા. મહિલાએ એ બાબતનો વિરોધ કર્યો તો તેને અને તેના પરિવારને સાહિલે ધમકાવવાની શરૂઆત કરી હતી. એથી મહિલાએ પોલીસની મદદ લીધી છે. ભારતીય દંડસંહિતાની કેટલીક કલમો મુજબ કેસ નોંધવામાં આવ્યો છે. પોલીસે આ મામલાની તપાસ હાથ ધરી છે. અગાઉ પણ સાહિલ વિરુદ્ધ અન્ય મામલામાં એફઆઇઆર નોંધવામાં આવ્યો છે.