તામિલ ફિલ્મ અરુવીની હિન્દી રીમેકમાં જોવા મળશે ફાતિમા

તામિલ ફિલ્મ અરુવીની હિન્દી રીમેકમાં જોવા મળશે ફાતિમા

ફાતિમા સના શેખ

ફાતિમા સના શેખ ૨૦૧૭માં આવેલી તામિલની હિટ ફિલ્મ ‘અરુવી’ની હિન્દી રીમેકમાં જોવા મળશે. આ રીમેકને ઈ. નિવાસ ડિરેક્ટ કરશે. આ અગાઉ તેણે ‘શૂલ’, ‘દમ’ અને ‘લવ કે લિએ કુછ ભી કરેગા’ પણ બનાવી હતી. આ રીમેકનું શૂટિંગ આ વર્ષે શરૂ કરવામાં આવશે. ફિલ્મનું ટાઇટલ હજી સુધી નક્કી નથી કરવામાં આવ્યું. ફિલ્મને લઈને ફાતિમાએ કહ્યું હતું કે ‘હું આ ફિલ્મના કૅરૅક્ટરમાં ઊંડાણપૂર્વક ઊતરવા માટે આતુર છું. આ જર્નીની શરૂઆત કરવા માટે હું ખૂબ એક્સાઇટેડ છું.’

ફિલ્મ વિશે ડિરેક્ટર ઈ. નિવાસે કહ્યું હતું કે ‘ફિલ્મ ‘અરુવી’ની સ્ટોરી માત્ર હીરોની નથી. આ તો લાઇફની એક ભૂલભુલામણીને દેખાડશે. આ એક ખુશનુમા વાતાવરણથી ભરેલી ફિલ્મ છે. હું નસીબદાર છું કે મને આ સુંદર પાત્રને એક્સપ્લોર કરવાની તક મળી છે. ફાતિમા સના શેખ આ પાત્ર માટે યોગ્ય પસંદગી છે.’