03 September, 2020 06:41 PM IST | Mumbai | Gujarati Mid-day Correspondent
ફાતિમા સના શેખ
ફિલ્મમેકર વિશાલ ભારદ્વાજના મ્યુઝિક વિડિયો ‘પલકેં ખોલો’ને ફાતિમા સના શેખે ડિરેક્ટ કરીને ડિરેક્શનમાં હાથ અજમાવ્યો છે. આ ગીતને વિશાલ ભારદ્વાજે ગાયું અને કમ્પોઝ કર્યું છે. ગીતમાં વિશાલ ભારદ્વાજની ડૉગી બિજલી પણ જોવા મળશે. આ ગીત વિશે ફાતિમાએ કહ્યું હતું કે ‘આ ગીત વર્તમાનના સંકટના સમયમાં આપણી આસપાસના લોકોની પ્રશંસા કરવા માટેનું છે. હું પહેલેથી જ વિશાલ સરને કહેતી હતી કે મારી સાથે ફિલ્મ બનાવો. જોકે તેમણે જ્યારે મને આ ઑફર કરી તો મેં તરત હા પાડી દીધી હતી. વિશાલ સરે મારી સલાહ માગી હતી. બાદમાં તો તેમણે મને આ મ્યુઝિક વિડિયો મારી ઇચ્છા પ્રમાણે બનાવવાની પૂરી સ્વતંત્રતા આપી દીધી હતી. ગીતમાં તમને બિજલી પણ જોવા મળશે. તે ખૂબ લકી છે કે તે વિશાલ ભારદ્વાજના મ્યુઝિક વિડિયોમાં એન્ટ્રી કરવાની છે. જો તેને વધારે મહત્ત્વ આપવામાં આવશે તો મને એક મમ્મી તરીકે તેના પર ગર્વ થશે.’